Kun tartibi: Ona tili va adabiyot fan oyligi yakunida o’tkazilgan viloyat seminari natijalari yuzasidan uslub birlashma rahbarining hisoboti eshitildi

Qibray tumani 1-umumta’lim maktabi ona tili va adabiyoti fani o’qituvchilarining uslubiy birlashma yig’ilishi BAYONNOMAsidan ko’chirma

30-oktabr 2019-yil

Yig’ilishda uslubiy birlashmaning barcha a’zolari qatnashdi.

Kun tartibi:

Ona tili va adabiyot fan oyligi yakunida o’tkazilgan viloyat seminari natijalari yuzasidan uslub birlashma rahbarining hisoboti

ESHITILDI:

Kun tartibidagi masala yuzasidan Uslubiy birlashma rahbari U.Boboqulova so’zga chiqib, o’tkazilgan seminar to’g’risida fikr-mulohazalarini bildirdi. Fan o’qituvchilari tomonidan o’tkazilgan ochiq darslar haqidagi seminar qatnashchilarining munosabatlari, bildirigan iliq fikrlar, taklif va mulohazalari tahlil qilindi. Ta’lim-tarbiya sifatini yaxshilashda dars samaradorligini oshirish, o’quvchilarga takomillashtirilgan reja asosida chuqur va hayotiy bilim berish, hur fikrli inson qilib tarbiyalash kabi masalalar o’qituvchilarning oldida turgan eng muhim vazifa ekanligi va darslarni ana shu prinsiplar asosida tashkil etilganligi e’tirof e’tildi.

O’qituvchilarning o’tkazgan ochiq darslari tahlil qilinib, seminar ishtirokchilari tomonidan hamda Qibray tuman XTBi ona tili va adabiyot fan o’qituvchilari uslubchisi G.Xojiyevaning fikrlari inobatga olingan holda quyidagicha baholandi:

T/r	Dars mavzusi	Sinfi	Sanasi	O’qituvchining F.I.Sh	Qo’yilgan baho
1	Mustahkamlash	7-“B”	29.10.2019	D.Radjapova	Namunali
2	Alisher Navoiy tuyuqlari tahlili	8-“G”	29.10.2019	U.Boboqulova	Namunali
3	Ot kesim va fe’l kesim	5-“V”	29.10.2019	Yu.Madaminova	Yaxshi
4	“Ona tilim-qadring baland oltindan ham, durdan ham!” nomli adabiy kecha	Iqtidorli o’quvchilar ishtirokida	29.10.2019	S.Xolmatova	Namunali

Seminarda o’tkazilgan ochiq darslar ilg’or pedagogik texnologiyalar asosida tashkil etilganligi, o’qituvchining shaxsiy metodik va pedagogik izlanishlari asosida qiziqarli tashkil etilganligi, fanlararo integratsiya, amaliyot va nazariyaning uyg’unligi darslarning zamonaviyligini ta’minlagan muhim jihatlari ekanligi ta’kidlandi.

Yig’ilish qaror qiladi:

1. 
   Uslub birlashma rahbarining hisoboti ma’lumot uchun qabul qilinsin.
   
2. 
   Seminarda “Namunali” deb topilgan U.Boboqulovaning “Alisher Navoiy tuyuqlari tahlili” hamda D.Radjapovaning “Mustahkamlash” mavzusidagi ochiq darslari; S.Xolmatovalarning “Ona tilim-qadring baland oltindan ham, durdan ham!” nomli adabiy kecha ssenariysi ommalashtirish uchun maktab metodik kengashiga tavsiya etilsin.
   

Uslub birlashma rahbari: U.S.Boboqulova