Krivoship-shatun mexanizmi silindrlar bloki va kallagi

KRIVOSHIP-SHATUN MEXANIZMI
SILINDRLAR BLOKI VA KALLAGI


Silindrlar bloki va kallagi (yoki kallaklar) krivoship-shatun mexaniz- mining eng yirik va murakkab detallari hisoblanadi. 2.1-chizmadan ko'rinadiki, silindrlar bloki (5) va silindrlar kallagi (I) murakkab shaklga ega. Shuning uchun ular quyish usuli bilan tayyorlanadi. Ular orasiga germetiklikni saqlash uchun qistirma (prokladka) (9) qo‘yiladi. Blokning old tomoniga (ba'zan orqa tomoniga) qistirma (6) qo‘yib taqsimlovchi shesternalar qopqog'i (8) mahkamlanadi. Krivoship-shatun mexaniz- mining qolgan barcha detallari (2.2-chizma) silindrlar blokida joylashadi va ular. odatda, bir necha guruhga ajratiladi.
Silindrlar bloki. Uni asosan cho‘yandan (CH 21-40, CH 18-36) va aluminiy qotishmasidan (masalan, АЛ4) quyish usuli bilan tayyorlanadi. Cho‘yan va aluminiy blok-karterlarining massalari nisbati taxminan 4:1 ga teng. Karterning yuqori qismi blok bilan bir butun holda qo‘yilgan bo'ladi.
Quyib tayyorlangan silindrlar blokida, silindrlarni qamrab turuvchi sovitish g‘i1ofi, tirsakli valning o'zak podshipniklari va taqsimlovchi valning podshipniklari uchun tagliklar (uyalar), boshqa uzellar hamda detallarni o‘matish uchun maxsus joylar mavjud bo'ladi. Cho‘yan blok- karterlar silindrlar bilan yaxlit tarzda, bir butun yoki silindrlari (gilzalari) olib-qo'yiladigan qilib, aluminiy blok-karterlar esa faqat gilzalari olib- qo'yiladigan qilib tayyorlanadi. Gilzalar blokka zichlovchi qistirmalar yoki rezina halqalar (3) (2.1-chizmaga qarang) yordamida zich o'tkaziladi. Gilzaning (yoki silindrlarning) juda aniqlik bilan ishlov berilgan ichki yuzasi uning ko'zgusi deb ataladi.