Кредит шартномаси №

3.3. Иш жойи ёки яшаш жойи ўзгарганда, Кафил бу ҳақда 5 кун муддат ичида 
Кредиторга хабар бериши лозим. 
4. Кредиторнинг мажбуриятлари 
4.1. 
Кафил Қарздорнинг Кредитор олдидаги мажбуриятларини бажарганда, 
Кредитор қарздорга бўлган талабларни тасдиқловчи ҳамма ҳужжатларни ҳамда ушбу 
талабларни таъминлайдиган ҳуқуқни Кафилларга топшириш мажбуриятини олади. 
5. Шартномани бажариш тартиби 
5.1. 
Қарздор кредит шартномаси бўйича олган ўз мажбуриятларини бажармаган 
тақдирда, Кафил Кредиторга фоизлар ва неустойкани тўлаш ҳамда асосий қарзни 
қайтариш мажбуриятини олади. 
5.2. Мазкур шартнома бўйича Банк ўзининг талабларини қаноатлантириш учун 
зарур бўлган тегишли пул маблағларини Ўзбекистон Республикаси Фуқаролик 
кодексининг 783-моддасига мувофиқ Кафилнинг барча ҳисобварақлари (пластик карта, 
омонат ва б.)дан унинг топшириғисиз сўзсиз (акцептсиз) тартибда мемориал ордер 
асосида кўчириб (ундириб) олишга ҳақлидир. 
5.3. Кредит шартномаси бўйича қарздорнинг мажбуриятларини бажарган 
Кафилга Кредиторнинг ушбу мажбурият бўйича ҳуқуқлари ҳамда гаровга олувчи 
сифатида Кредиторга тегишли бўлган ҳуқуқлар Кафил Кредиторнинг талабини қанча 
хажмда қаноатлантирган бўлса, шунча хажмда ўтади.
6. Низоларни ҳал этиш тартиби 
6.1.Томонлар ушбу шартнома юзасидан келиб чиқиши мумкин бўлган 
келишмовчилик ва низоларни музокара ва маслаҳатлар йўли билан ҳал қилишга ҳаракат 
қиладилар. 
6.2. Агарда кўрсатиб ўтилган келишмовчилик ва низолар музокаралар йўли билан 
ҳал этилмаса, улар Ўзбекистон Республикасининг амалдаги қонунчилигига асосан 
фуқаролик ишлари бўйича судда ҳал этилади. 
7. Бошқа шартлар 
7.1. Мазкур шартномага қўшимча ва ўзгартиришлар киритиш тарафларнинг 
розилиги билан қўшимча Келишув битими тузиш йўли билан амалга оширилади. Ушбу 
билан Кафил кредит шартномаси шартларига ўзгартиш ва қўшимчалар киритишга 
олдиндан ўз розилигини беради ва қарздорнинг кредит шартномасига киритиладиган 
мазкур ўзгартиш ва қўшимчалар юзасидан вужудга келадиган мажбуриятлари бўйича 
жавоб бериш мажбуриятини олади.
7.2. Кафил Қарздор ва Кафилнинг кредит тарихини шакллантириш учун зарур 
бўлган барча маълумотларни Банк томонидан Банклараро кредит бюросига берилишига 
ўз розилигини беради.
7.3. Мазкур шартномада кўрсатиб ўтилмаган ҳолатларда, тарафлар Ўзбекистон 
Республикасининг амалдаги фуқаролик қонунчилигига асосланади (риоя қилади)лар. 

---