Kostyum tarixi

Kaftan
– fors erkaklari yelka kiyimi. 
Kiygich,
bosh
– Surxondaryo ayollarining bosh kiyimi. 
Kiyim
– odam tanasini butunlay yoki qisman o’rab turuvchi buyumlar 
yig’indisi.
Kiyimni
konstruksiyalash
– to’zilmasini qurish – yassi materialdan odam 
gavdasini qoplab turuvchi hajmiy qobiq yaratish jarayoni. 
Kiyimni
modellashtirish
– kiyim shakllarini hosil qilish jarayoni. 
Kimono
– yapon erkak va ayollarining milliy kiyimi. 
Klassik
uslub
(mumtoz uslub, mumtoz kostum, mumtoz moda) – shunday 
kiyimlar borki, insonning didi, talablari, qiziqishlari, odatlarining o’zgarishiga 
qaramay, ular ma’lum ma’noda o’zgarishsiz qolaveradi. Mumtoz modaga taalluqli va 
hatto, ba’zan mumtoz moda deb ataluvchi ingliz kostumi ana shunday 
kiyimlardandir. Umumjamoatchilik uni hamisha ajoyib, zo’r, o’rnak bo’ladigan deb 
hisoblayveradi. Fransuz modelyeri Gabriel Shanel taklif etgan ayollar kostumi va 
«kichkina qora ko’ylak» ham shunday kiyim qatoriga kiradi. Mumtoz kiyim 
pishiqlik, estetik tarafdan to’kis, ko’rkam va mukammal bo’lgani uchun kiyim 
modasida uzoq yashaydi. 
Kolet
– tik yoqali, tor va kalta, belgacha yoki bo’ksagacha tushib turuvchi, old 
qismida tugma yoki tasma bilan qadaladigan uyg’onish davri Italiya erkaklar ustki 
kiyimi. Kolet ko’krak, bel, bo’ksaga yopishib turadigan kiyim turi bo’lib u beldan 
ajratilgan. Bo’yin o’mizi turlicha bezaklangan. Yoqasi tik, chuqur o’mizli, oval 
vstavkasi bilan. Uning yengi o’mizga tikilmagan, balki alohida o’rinlarda (o’mizning 

---

156
tagi yelka qismi, yonidan). Bu holat harakatlar erkinligini ta’minlashda yordam 
bergan. Yengning yelka va tirsaklar qismi kesilib, yoriqlar qilingan. Barcha 
yoriqlarning ichki sorochkaning matolari, keyinchalik dekorativ matolardan qilingan 
bezaklar (shishib turadigan buflar) qilinib, chiqarib qo’yilgan.
Kolleksiya
(lot. yig’ilish, yig’ma, terma) – uslubi, konstruksiyasi, shakli, 
materiallarning o’xshashligi asosida terilgan yoki ma’lum bir badiiy obrazni ifoda 
etishga xizmat qiladigan kiyim modellari termasi. 
Kolombium
– keng bo’lmagan, belidan bog’lanadigan, yengi kalta tunika. 
Kolombiumni Qadimgi Rimda erkaklar kiygan. 
Klopos
– Qadimgi Yunonistonda enli belbog’ bo’lib, uni odatda tugun qilib 
bog’langach, qolgan qismi uzun qilib tashlab qo’yilgan. Kloposlarni, odatda, belga 
bog’lansa-da, uni ko’krak pastidan yoki bo’ksadan bog’lash keng tarqalgan. 
Kloposlar nafaqat belda, shuningdek, bo’ksadan yoki ko’krak qismida xochsimon 
(krestsimon) shaklda bog’lanib, ular yeng shaklini bera boshlagan.