Косая таблица вагонопотоков

1-Боб. Вагон оқимлари ҳисоби

1. 
   2–Минтақавий темир йўл узели участкаларининг техник фойдаланиш таснифи
   

2–Минтақавий темир йўл узели (МТУ) участкаларининг умумий узунлиги 245 километрни ташкил этади (топшириқнинг 2-банди). Шу жумладан Б-В участкаси 120 километр, В-Г участкаси 125 километрни ташкил этади. МТУ таркибига “Б-В” ва “В-Г” участкалари, 3 та техник, яъни Б, В, Г станциялари ва 8 та оралиқ а, б, в, г, д, е, ж, з станциялари киради. 2– МТУ 3 та МТУ лари билан чегарадош, булар А станцияси орқали 1–МТУ билан, Д станцияси орқали 3–МТУ билан ва Е станцияси орқали 4 МТУ билан туташади.

МТУ участкалари автоблокировка тизими билан жихозланган бўлиб техник ва оралиқ станцияларидаги стрелка ўтказгичлари ва сигналлар электр марказлаштирилган.

МТУ станцияларининг қабул-жўнатиш йўларининг фойдали узунлиги 850 метрни ташкил этади (топшириқнинг 6-банди).

МТУ жойлашган йўналишдаги тортув тури электрли бўлиб юк ташиш ҳаракатида ВЛ-80^к ва йўловчи ташиш ҳаракатида ЧС-4 русумдаги локомотивлардан фойдаланилади (топшириқнинг 8-банди).

Асосий локомотив депоси В станциясида ва айланиш деполари Б, Г, Е станцияларида жойлашган (топшириқнинг 9-банди). В станциясида вагон ва локомотив деполари ҳамда, вагонларга техник хизмат кўрсатиш пунктлари мавжуд.

МТУ участкаларидаги йўловчи поездлар сони унча катта эмас. Йўналишлардаги йўловчилар минтақавий темир йўл узелига тегишли бўлган поездлар билан ташилади.

2–МТУ да умумий юклаш 587 вагонни, тушириш эса 655 вагонни, транзит вагон оқимлари 4665 (умумий вагон оқимларининг 83,4%) вагонни ташкил этади (1.1-жадвал). 2–МТУ барча МТУ лардан 343 вагонни қабул қилса, бошқа МТУ ларига 275 вагонни жўнатади.

Жўнатувчи маршрутлар умумий вагон оқимларининг 40% ни ташкил этади (топшириқнинг 2-банди), яъни 2244 вагонни (1.8-жадвал).

Юқоридаги кўрсаткичлар ва иш хажмидан кўриниб турибдики МТУ участкалари асосан транзит поездларни ўтказиш жараёнлари билан шуғулланади.

2 – МТУ участкаларининг схемаси, перегонлари ва участкалари масофалари билан кўрсатилган ҳолда 1.1-расмда келтирилган.

1.1-расм. 2–МТУ участкаларининг схемаси.