Korxonaning toʼgʼrisida maʼlumot

«YuLDUZ» ochiq turdagi xissadorlik jamiyatining 20__ yil 2 yanvarь 1-sonli buyrugʼiga Oʼzbekiston Respublikasi 1-son BHMS "Xisob siyosati va moliyaviy xisobot" asosan «Korxonaning hisob siyosati» tasdiqlangan. Ushbu korxona hisob siyosatida turli hisobot davrlaridagi moliyaviy hisobotlari, shuningdek turli xoʼjalik yurituvchi subʼektlarning moliyaviy hisobotlari qiyoslanishini taʼminlash maqsadida korxona moliyaviy hisobotini shakllantirish va tuzish uchun asoslarni belgilab bergan.
Korxonaning hisob siyosati korxona rahbari buxgalteriya hisobini yuritish va moliyaviy hisobot tuzish uchun qabul qiladigan usullarning yigʼmasi, moliyaviy hisobot shu usullarga muvofiq va ularning qoidalari va asoslariga muvofiq ravishda tuzilgan.

Korxonaning toʼgʼrisida maʼlumot

YuLDUZ» ochiq turdagi xissadorlik jamiyati 1998 yil 2 martda davlat roʼyxatidan oʼtgan boʼlib. asosiy faoliyat turi – halq isteʼmol mahsulotlarini ishlab chiqarish va sotish. Qoʼshimcha faoliyat turi – ulgurji savdo. Mulkchilik shakli-Аktsiyadorlik. Yuqori tashkiloti «Oʼzsanoat-xolding» xolding kompaniyasi. Manzili: Toshkent viloyati, Oxongaron shahri, Sanoat hududi. Hisob raqami – 20210000500129956001 «Ipoteka» bankining Oxongaron boʼlimi, bank kodi – 00487, Soliq toʼlovchining identifikatsion raqami (STIR) – 200465218, Oxongaron shahar DSI roʼyxatidan oʼtgan. Jamiyat umumbelgilangan soliqlarni toʼlaydi. Qoʼshimcha faoliyat turi boʼyicha esa yagona soliq toʼlov soligʼi toʼlaydi.

Shuʼba va qaram jamiyatlar, filiallar va vakolatxonalari yoʼq.
Jamiyatning ijrochi organi boʼlib Jamiyatning Bosh direktori (yakkaboshchilik asosidagi ijro etuvchi organi) hisoblanadi, u OАJ muassislari umumiy yigʼilishining qarorlari bajarilishini tashkil qiladi va joriy faoliyatga rahbarlik qiladi. Direktorni lavozimga muassislarning Umumiy yigʼilishi tayinlaydi.
Jamiyat raisi-M.Oʼ.Norqulov
Bosh buxgalter - S.S.Sharipov
Аxborot taqdim etish asosi
Jamiyatning moliya hisoboti Oʼzbekiston Respublikasining buxgalteriya hisobi boʼyicha qonun hujjatlari va buxgalteriya hisobi milliy standartlari (BHMS) ga muvofiq tayyorlangan.
Jamiyat hisobot valyutasi sifatida soʼmdan foydalanadi. Xorijiy valyutalarda amalga oshirilgan xoʼjalik operatsiyalari hisobida xorijiy valyutaning operatsiya bajarilgan kunda amal qilgan soʼmga nisbatan rasmiy kursi qoʼllangan.
Jamiyatning 2020 yil 1-chorakdagi buxgalteriya hisobi 1S kompьyuter dasturini qoʼllagan holda amalga oshirilgan.
Hisobvaraqlar ishchi rejasi Jamiyat tomonidan Xoʼjalik yurituvchi subʼektlar moliyaviy-xoʼjalik faoliyatining buxgalteriya hisobi schyotlari rejasi va uni qoʼllash boʼyicha yoʼriqnoma (21-son BHMS) asosida shakllantirilgan.

Hisob siyosati

Аsosiy vositalar tarkibiga bir vaqtning oʼzida quyidagi mezonlarga javob beradigan moddiy aktivlar kiritiladi:
a) xizmat qilish muddati bir yildan oshgan;
b) bir birlik (komplekt) uchun Oʼzbekiston Respublikasida belgilangan (xarid qilish paytida) eng kam ish haqining 20 baravaridan oshadigan qiymatga ega narsalar.
Аsosiy vositalarning barcha guruhlari boʼyicha amortizatsiya teng maromli (toʼgʼri chiziqli) usul bilan hisoblab yoziladi.
Аsosiy vositalarning yillik qayta baholanishi statistika organlari tomonidan tayyorlangan hamda rasmiy ravishda ommaviy axborot vositalarida chop etilgan indekslar asosida ayrim obʼektlarning dastlabki (tiklash) qiymatini indeksatsiyalash usuli bilan oʼtkaziladi.
Moddiy-ishlab chiqarish zaxiralari buxgalteriya hisobiga xarid qilishning amaldagi tannarxi boʼyicha qabul qilinadi. Tovar-moddiy zaxiralar ishlab chiqarishga hisobdan chiqarilganida FIFO usuli - vaqtiga koʼra dastlabki xaridlarning tannarxi boʼyicha qoʼllanadi.
Valyuta moddalarini qayta baholash natijasida yuzaga kelgan kursdagi farq hisobda moliya-xoʼjalik faoliyati natijalariga toʼgʼridan-toʼgʼri kiritish usuli bilan aks ettiriladi: ijobiy farq - moliyaviy faoliyatdan olingan daromadlarni hisobga olish hisobvaraqlarida, salbiy farq - moliya faoliyati boʼyicha xarajatlarni hisobga olish hisobvaraqlarida.
«YuLDUZ» ochiq turdagi xissadorlik jamiyati 2020 yil 1- choragida quyidagi iqtisodiy koʼrsatkichlarga ega:
 Ishlab chiqarilgan mahsulotning tannarxi 14498617 soʼm.
 Sotib olgan tovarlarning qiymati 1515250 soʼm.
 Sotilgan mahsulotning hajmi (QQSsiz) 15541396 soʼm.
Shu jumladan; umumiy sotilgan mahsulotdan eksport qilingani 25% tashkil etadi.
 Tovarlarni sotishdan tushgan tushum 1556998 soʼm.
 Maʼmuriy xarajatlar ming soʼm.
 Boshqa operatsion xarajatlar (soliqlar va majburiy toʼlovlarsiz) ming soʼm.
 Shu jumladan daromad soligʼini hisoblashda chegirib tashlanmaydigan ming soʼm.
 Mol-mulk qoldiq qiymatining oʼrtacha miqdori (qayta baholashni hisobga olgan holda). 2020 yil 1- chorak uchun ming soʼm.
Hisobot davrida korxonada 1200 nafar ishchi va xodimlar ishlagan. Shundan 60 nafari nogironlari tashkil etgan.
Jamiyat tomonidan hisobot yilida qilingan, biroq keyingi hisobot davrlariga kiradigan xarajatlar (sugʼurta toʼlovlari va obuna xarajatlari) kelgusi davrlar xarajatlari sifatida aks ettirilgan. Ular maqsadi boʼyicha oʼzlari taalluqli boʼlgan davrlar mobaynida teng maromda hisobdan chiqariladi.
Jamiyat boʼlgʼusi xarajatlar rezervlarini bunyod etmagan.