Korxonani qayta tashkil etish va tugatish

Yana qanday qulayliklar bor?

Endilikda bir yoki bir necha davriy bosma nashrlarda korxonaning tugatilishi toʻgʻrisida eʼlonlar berish oʻrniga korxona tugatilayotganligi toʻgʻrisidagi maʼlumotlar roʻyxatdan oʻtkazuvchi organning rasmiy saytiga joylashtiriladi.

Davlat soliq xizmati organlari tomonidan oʻtkaziladigan, tugatiladigan korxonaning moliya-xoʻjalik faoliyatini tekshirishning eng uzoq davriyligi uch yilni tashkil etishi (avval 5 yilni tashkil etgan).

Moliya-xoʻjalik faoliyatini tekshirish uchun vakolatli davlat organlaridan korxona toʻgʻrisidagi mavjud maʼlumotlarni olish Tadbirkorlik subyektlarini davlat roʻyxatidan oʻtkazish va hisobga qoʻyishning avtomatlashtirilgan tizimi orqali amalga oshirilishi (avval tugatuvchi davlat idoralariga shaxsan murojaat qilishga majbur boʻlgan).

Korxonani ixtiyoriy tugatishning umumiy muddati roʻyxatdan oʻtkazuvchi organ ixtiyoriy tugatish toʻgʻrisida xabardor qilingan kundan boshlab olti oydan oshmasligi (avval 9 oydan oshmagan) belgilandi.

Joriy yilning yanvar oyida respublika boʻyicha jami 1 304 ta tadbirkorlik subyektlari tomonidan ixtiyoriy tugatish uchun hujjatlar yangi tizim orqali topshirilgan boʻlib, ularning arizalari davlat idoralari tomonidan koʻrib chiqilmoqda.

Tizimga ulangan davlat organlari va boshqa tashkilotlar tomonidan tegishli axborotlarning oʻz vaqtida, toʻliq va ishonchli tarzda kiritilishini taʼminlamaganlik uchun javobgarlik.
Endilikda Tizimga ulangan davlat organlari va boshqa tashkilotlar tomonidan tegishli axborotlarning oʻz vaqtida, toʻliq va ishonchli tarzda kiritilishini taʼminlamaslik davlat xizmatlari koʻrsatilishining belgilangan tartibini buzish deb hisoblanib, ularni davlat xizmatlari agentligi tomonidan maʼmuriy javobgarlikka tortishga sabab boʻladi.
Mamlakatimizda shu kabi tadbirkorlik subyektlariga yaratilayotgan qulayliklar va yengilliklar tadbirkorlik subyektlari sonini oshishiga va xorijiy investitsiyani kengayishiga olib keladi. Bu esa oʻz navbatida mamlakatimiz iqtisodiyotining munosib darajaga koʻtarilishiga xizmat qiladi.