Korxonalar faoliyatining tahlili va statistika asoslari

13.3.Mahsulot sotish dinamikasini tahlil omilli tahlili

Sotilgan mahsulot miqdorining o’zgarishiga ishlab chiqarilgan mahsulot miqdori (Q) bilan tovarlilik darajasi (T) o’zgarishi ta’sir qilganda, ularning ta’sirini solishtirish, farqlash, qayta hisoblash, zanjirli bog’lanish usularidan foydalanib aniqlash mumkin. Biz “Zanjirli bog’lanish” usuli orqali amalga oshirish tartibiga to’xtaldik. Sotilgan mahsulot miqdorining umumiy o’zgarishi: Q₁ T₁ – Q₀ T₀ = ∆ qt

Sotilgan mahsulot miqdorining o’zgarishiga ishlab chiqarilgan mahsulot miqdori o’zgarishining ta’siri: Q₁ T₀ - Q₀ T₀ = ∆q

Sotilgan mahsulot miqdorining o’zgarishiga tovarlik darajasi o’zgarishning ta’siri: Q₁ T₁ – Q₁ T₀= ∆t

Agar sotilgan mahsulot miqdoriga ishlab chiqarilgan mahsulot miqdori, yil boshi va yil oxiriga qolgan mahsulotlar miqdori hamda har xil chiqimlar miqdori ta’sir qilgan taqdirda balansli bog’lanish usulidan foydalanib tahlil etish maqsadga muvofiq bo’ladi.