Ko’rildi” O’quv ishlari bo’yicha direktor o’rinbosari: A. Niyozov

I. Tashkiliy davr.
II. O’tilgan mavzuni takrorlash.
Uy vazifasi tekshiriladi. Label boshqarish obyekti bo’yicha savol-javob o’tkaziladi:
1. Ma’lumotlarning qanday turlarini bilasiz?
2. StrToInt ma’lumotni qaysi turdan qaysi turga o‘tkazadi?
3. FloatToStr ma’lumotni qaysi turdan qaysi turga o‘tkazadi?
4. StrToFloat ma’lumotni qaysi turdan qaysi turga o‘tkazadi?
5. a) kvadrat; b) to‘g‘ri to‘rtburchak perimetri va yuzasini hisoblaydigan ilova yarating.
6. dan gacha bo‘lgan barcha sonlarning a) kvadratlari; b) kvadrat ildizlari yig‘indisini hisoblaydigan ilova yarating.
III. Yangi mavzu bayoni


1.Bayroqchalardan foydalanishga misollar. Ilovalarda ko‘p foydalaniladigan boshqarish obyektlaridan biri bu bayroqchadir. Bayroqcha o‘rnatilgan va o‘rnatilmagan holatlarda bo‘lishi mumkin. Agar bayroqcha o‘rnatilgan bo‘lsa, nimadir ish qilinadi, o‘rnatilmagan bo‘lsa, hech narsa qilinmaydi.
Bayroqchalardan foydalanishga misol sifatida Word matn muharririning
abzas muloqot darchasidagi jildlardan biri quyidagi rasmda ko‘rsatilgan.
Unda oltita bayroqcha bo‘lib, ulardan faqat birinchisi o‘rnatilgan.
Delphida yaratilgan ilovalarda ham bayroqchalardan foydalansa bo‘ladi-
mi? Albatta bo‘ladi, bu obyektlar ilovalardan foydalanishni yanada qulay
lashtiradi va ulardan keng foydalaniladi.
2. CheckBox boshqarish obyekti va uning xossalari. Delphida bayroqcha obyekti CheckBox (Tekshirish qutisi) deb ataladi. Bu obyekt obyektlar panelining standart jildida to‘qqizinchi bo‘lib joylashgan. Quyidagi rasmda u qizil hoshiyaga olingan:

CheckBox obyektining asosiy xossasi Checked (o‘rnatilgan) bo‘lib, u ikkita: rost va yolg‘on qiymatlarni qabul qiladi. Uning yana bir foydali xossasi bizga boshqa obyektlardan tanish bo‘lgan Caption (sarlavha)dir. Uning yordamida bayroqcha haqida uning yonida qisqa yozuvlar yaratish mumkin.