Корхонанинг жамият олдидаги ижтимоий масъулияти. Корхонани ташкил этиш тартиби ва босқичлари

5. Корхонани ташкил этиш учун зарурий таъсис ҳужжатлари.
Ўзбекистон Республикасининг «Тадбиркорлик фаолияти эркинлигининг кафолатлари тўғрисида»ги Қонуни бўйича маъмурий тартиб-қоидалар юзасидан қўлланма ҳисобланади. Бошқача қилиб айтганда мазкур қўлланма тадбиркорлик субъектларини давлат рўйхатидан ўтказиш, лицензиялаш, давлат томонидан назорат қилиш, тадбиркорлик субъектларига ҳуқуқий таъсир чораларини қўллаш, тадбиркорлик субъектларини тугатиш билан боғлиқ ҳуқуқий муносабатларни тартибга солувчи нормаларни тизимлаштиради.
Агар мисол тариқасида «Тадбиркорлик фаолияти эркинлигининг кафолатлари тўғрисида»ги Қонуни бўйича маъмурий тартиб-
қоидаларга оид моддаларини тадбиркорлик субъектининг ташкил этишдан бошлаб унинг тугатилишигача бўлган жараённи кўриб чиқадиган бўлсак, қуйида келтирилган 1-схема «Умумий схема» келиб чиқади. 1-схема «Умумий схема»нинг тавсифи қуйидаги кўринишга эга. Дастлаб тадбиркорлик билан шуғулланиш истагида бўлган тадбиркорлик субъекти маъмурий органда давлат рўйхатидан ўтиши керак (Рўйхатдан ўтказиш (11-модда)). Шунингдек, амалга оширилиши учун лицензиялар талаб қилинадиган тадбиркорлик фаолияти билан шуғулланиш истагида бўлган тадбиркорлик субъекти давлат рўйхатидан ўтказиш билан бир қаторда маъмурий органдан лицензия олиши лозим (лицензиялаш (13-модда)).
Давлат рўйхатидан ўтказилган ва зарур бўлган лицензияни олган тадбиркорлик субъекти тадбиркорлик билан шуғулланиши мумкин. Тадбиркорлик субъекти ўз ишини бошлаши билан, у тегишли маъмурий органларга ҳисоботлар топшириши лозим бўлади
Юридик шахс ўзининг ташкилий-ҳуқуқий шаклини билдирадиган номига эга бўлади. Юридик шахснинг жойлашган ери, агар қонунга мувофиқ юридик шахснинг таъсис ҳужжатларида бошқача тартиб белгиланган бўлмаса, у давлат рўйхатидан ўтказилган жой билан белгиланади. Юридик шахс ўзи билан бўладиган алоқа амалга ошириладиган почта манзилигага бўлиши лозим ҳамда ўзининг почта манзили ўзгарганлиги тўғрисида ваколатли давлат органларини хабардор этиши шарт. Юридик шахснинг номи ва жойлашган ери (почта манзили) унинг таъсис ҳужжатларида кўрсатилади. Тижоратчи ташкилот бўлган юридик шахс ўз фирма номига эга бўлиши лозим. Юридик шахс ўз фирмасининг номидан фойдаланиш мутлақ ҳуқуқига эгадир.