Корхоналарнинг ишлаб чиқариш самарадорлигини оширишда инвестицияон лойиҳалар ролининг илмий

 

---

2.5. “Delux Fabric” МЧЖ нинг SWOT таҳлили ва корхонага 
 жалб қилинган инвестицияларнинг иқтисодий самарадорлигини
баҳолаш йўллари
Инвестицияларни жалб қилиш ва уларнинг иқтисодий самарадорлигини 
баҳолашда асосан корхонанинг кучли ва кучсиз томонларини ҳамда 
корхонанинг имкониятлари ва хавф-хатарларини таҳлил қилиш зарур. Шу 
мақсадда SWOT таҳлилидан фойдаланган ҳолда “Delux Fabric” МЧЖ нинг 
кучли ва кучсиз ҳамда имкониятлари ва хавф-хатарларини таҳлил қиламиз.
“Delux Fabric” МЧЖнинг иқтисодий ҳолати олинган маълумотлар асосида 
таҳлил қилинди. Таҳлил натижасида корхонада иқтисодий кўрсаткичлар 
ижобий томонга ўзгарганлигининг гувоҳи бўлиш мумкин. Масалан, корхона 
товар маҳсулот ишлаб чиқариш ўтган йилларга нисбатан кўпайган. Баланс 
фойда ва соф фойда ҳам ўтган йилларга нисбатан ошган. Натурал ифодада 
маҳсулот ишлаб чиқариш ҳажми ҳам кўпайган. Бунинг асосий сабаби 
корхонага жалб қилинган узоқ ва қисқа муддатли банк кредитларидан унумли 
фойдаланганликдир. 
Корхона олдида турган асосий муаммолардан бири бу рақобатдаги 
позициядир. Ҳозирги кунда корхонанинг ривожланишига катта эътибор 
берилиши тўқимачилик соҳасида ҳам кичик корхоналарнинг кўпайиб кетишига 
олиб келди. Бу “Delux Fabric” МЧЖнинг рақобатдаги мавқеини 
мураккаблаштириб юборади. Шунинг билан биргаликда, бозорларда чет элдан, 
яъни МДҲ давлатларидан маҳсулотларнинг киритилиши ва аҳоли кўпроқ 
четдан келтирилган тўқимачилик ва енгил саноат маҳсулотларига талаби кўп 
бўлганлиги туфайли корхона маҳсулотларининг сотилишига тўсқинлик 
қилувчи омил бўлиши мумкин. Шунинг учун корхона ишлаб чиқарган 
маҳсулотларини реализация қилиши учун жойлардаги савдо шахобчалари 
билан шартнома тузган ҳолда маҳсулотларини реализация қилиши зарур.
Корхонага инвестицияларни жалб қилишнинг яна бир омили қўшимча 
маҳсулот ишлаб чиқариш ва ассортиментини кенгайтириш бўлиб ҳисобланади. 
“Delux Fabric” МЧЖ да ҳам қўшимча маҳсулотлар ишлаб чиқаришга ва 

---

ассортиментни кенгайтиришга алоҳида эътибор бериб келинмоқда. Жумладан, 
киритилган инвестициялардан самарали фойдаланилмоқда.
Корхонанинг имкониятларини оширувчи яна бир омил бу -қўлланиладиган 
хом ашёдир. “Delux Fabric” МЧЖда қўлланиладиган хом ашёнинг сифатини 
оширувчи кўрсаткич бу сифатли калава ипларидир. 
“Delux Fabric” МЧЖнинг бозор имкониятларини фаоллаштириш 
йўлларидан бири – бу маҳсулот харидорлигини оширишдир. Маҳсулот 
харидоргирлигини ошириш учун маҳсулот дизайнига эътибор бериш лозим. 
Бугунги кунда маҳсулотнинг сифати билан бир қаторда унинг харидор учун 
қулайлигини ошириш ҳам муҳим аҳамиятга эгадир. “Delux Fabric” МЧЖ ўз 
маҳсулотларини чиройли қилиб қадоқлаб, унинг ташқи кўринишини яхшиласа, 
бу маҳсулотларнинг харидоргирлиги ошади. 
Корхона ишлаб чиқариладиган маҳсулотларнинг сотилишини таъминлаш 
учун маркетинг хизматларини ривожлантириш керак. “Delux Fabric” МЧЖни 
бошқарув тизимини такомиллаштириш учун бошқарув жараёнида илғор 
ахборот технологияларидан фойдаланилса мақсадга мувофиқ бўлади.
Юқоридагилардан келиб чиқиб, корхонанинг ички имкониятлари, хавф-
хатарлари, кучли ва кучсиз томонларини аниқлаймиз. Бунинг учун таҳлилнинг 
SWOT усулидан фойдаланамиз. 

---

 “Delux Fabric” МЧЖнинг SWOT таҳлили