Koreys tili nazariyasi va amaliyoti kafedrasi

KIRISH
Kurs ishi mavzusining dolzarbligi. Bugungi kunda O'zbekistonda yoshlarga sifatli ta'lim berish va ularni kelajakda yetuk kadr qilib tarbiyalash asosiy vazifa hisoblanadi. Mamlakatimizda tillarning tezlik bilan rivojlanishi bunga yaqol misol bo'la oladi. Bu borada olib borilayotgan ishlar doirasida birinchi navbatda yosh avlodga chet tillarini o'qitish va o'sha tillarda sifatli ta'lim olishi uchun barcha shart-sharoitlar yaratilgan. Xususan koreys, yapon, xitoy tillari butun dunyo bo'ylab keng tarqalmoqda. Ayniqsa koreys tilini o'rganish va uni rivojlantirish alohida o'rin tutadi. Koreys tilining o‘ziga xos jihati uning iboralarga nihoyatda boyligidir. Odamlar tilning boyligi haqida gapirganda, odatda sinonimlarning ko'pligi va xilma-xilligini inkor etib bo'lmaydigan dalil sifatida ko'rsatadilar. Masalan, ular nutqni shaklda benuqson qilishni xohlashganda, sinonimlarni qidiradilar. Ular o'z fikrlari va his-tuyg'ularini eng aniqlik bilan ifodalashga intilishganda yoki aksincha, ularni ataylab yashirganda, insonlar sinonimlarni qidiradilar. Sinonimlar so‘z boyligimizda juda muhim o‘rin tutadi. O'zbek tilida frazeologik birliklarning roli ham katta. Ko'pincha ular barqaror iboraga aylangan odamlarning hikmatli so'zlarini ifodalaydi. Har bir frazeologik birlik uzoq inson fikrining qisqa ifodasidir. Ushbu kurs ishi tilshunoslikning kam o'rganilgan, ammo juda qiziq bo'lgan bo'limlaridan biri - sinonimiya va frazeologiyaga haqida. To'liqroq qilib aytganda esa koreys tili frazeologiyasidagi sinonimiyaga bag'ishlangan.