Koreys nazariyasi va amaliyoti kafedrasi sinxron tarjima

Интернет сайтлари

1. http://www.conferenceinterpreters.ca/

2. http://www.universelanguage.com/simultaneousinterpretation

3. http://www.conference-interpreting.ru/

4. http://studystuff.ru/articles/preczizionnaya-informacziya.html

5. http://media.ls.urfu.ru/556/1475/3420/3726/

6. http://www.bbc.co.uk\worldservice\learningenglish/

7. www.granddictionnaire.com

8. www.translatordirectory.com

9. http://www.uz-translations.net

9 – SEMENAR

Sinxron tarjima faoliyatida ehtimoliy bashorat qilishda “ekstralingvistik” bashorat

Ekstralingvistik bashorat sinxron tarjimonning ko’rgazmali-tematik oriyentatsiyasi, ya’ni sinxron tarjimon matnni tarjima tilida adekvat yaratish uchun ega bo’lishi lozim bo’lgan ko’rgazmali bilimlar bilan chambarchas bog’liq. Hozirgi kunda insoniyatni o’rab turgan bilim va ma’lumotlar ummonidagi hech bir soha mutaxassisiga aylanishga qodir bo’lmay va tarjimani amalga oshirish uchun bunga extiyoj sezmagan xolda ham shunday bo’lsa-da sinxronist fanning asoslarini egallashi lozim.

Gap shundaki, so’zlarning qabul qilinishini deyarli keraksiz hodisaga aylantiruvchi fikrlarning mantiqiy izchilligi faqat sinxronist tarjima predmeti haqida yaxshi tasavvurga ega bo’lgandagina imkoniy bo’ladi. Shunda u bunday mantiqiy zanjirni bashorat qilish kuchiga ega bo’ladi. Va aksincha, predmet haqidagi bilimlarini mavjud bo’lmasligi tarjimonning so’zlarni asliyat tilidagi so’zlarning o’rniga tarjima tiliga qo’yib chiqishni boshlashiga olib keladi.

Sinxron tarjimonlarning ko’rgazmali-tematik tayyorgarligini hisobga olgan holda ekstralingvistik bashorat qilishning bir nechta misollarini ko’rib chiqamiz.

Ma’ruzachi: One more word of caution. When you use fingersticks use gloves that are powder-free. (“Lead and Children’s Health” / “Qo’rg’oshin va bolalar salomatligi” konferensiyasi).

Tarjima: Yana bir e’tiborli jihat. Barmoqdan qon olishda tarkibida tal’k bo’lmaydigan qo’lqoplardan foydalaning.

Yuqorida aytilganidek, sinxron tarjimon mulohaza diskursi qay yo’sinda qurilishiga qarab butun bir strategiyalar to’plamidan foydalanadi. Mazkur segmentni uni ma’noli guruhlarga bo’lib batafsilroq tahlil qilib chiqamiz:

Speaker: 1./One more word of caution./ 2./When you use fingerstick/ use…

Tarjima: (Kutish strategiyasi, tarjimonning ma’ruzachidan ortda qolishi – 1 ma’noli guruh) 1. /Yana bir e’tiborli jihat./

2. / Barmoqdan qon olishda/ (ekstralingvistik bashorat qilish; tarjimon ikkinchi ma’noli guruhni ma’ruzachi bilan deyarli bir vaqtda yakunlaydi)

3. /…use gloves (ehtimoliy bashorat) that are powder-free./

3. / qo’lqoplardan foydalaning, qaysiki tarkibida tal’k bo’lmagan./

Mazkur segment tahlili sinxron tarjimonning mazkur xolatda tarjimada strategiyalarning tanlanishini belgilab beruvchi ekstralingvistik omillar imkoniyatidan foydalanib ehtimoliy bashorat strategiyasidan samarali foydalanishi mumkin. Tarjima paytida tarjimonning ma’ruzachidan ortda qolishining birinchi ma’noli guruhu 1 ma’noli guruhni tashkil qiladi. Ma’lum bir ma’noda bu yerda kutish strategiyasi qo’llaniladi. Bu ingliz tilidagi “one more word of caution” bilan ta’kidlanadi. Tarjima tilidagi tarjima mazkur ma’noli guruhni oxirigacha tinglab olishdan so’nggina boshlanadi. Bir vaqtning o’zida giperonimik transformatsiya yuzaga keladi. “Caution” so’zi tarjimada “e’tiborli jihat” tarzida namoyon bo’ladi. Asliyatdagi ingliz tilidagi variantda ikkinchi ma’noli guruh tarjimasida va tarjima jumlasi deyarli bir vaqtning o’zida tugallanadi. Bundan shunday xulosaga kelish mumkinki, tarjimon ma’ruzachining mazkur qo’shma guruhda nima nazarda tutilganligini oldindan payqagan. Uchinchi ma’noli guruhning tarjimasida tarjima tilidagi variant vaqtga ko’ra asliyatdan ilgariroq, aslida ma’ruzachining “gloves” so’zini aytishi bilanoq yakunlanadi. Yana shuningdek, ingliz tili variantida tarjima tilida qo’llangan “talcum” so’zi mavjud emas. Bu tarjimonning ma’ruzachi o’z fikrini yakunlashini oldindan payqaganligini bildiradi.

Mazkur xolda ehtimoliy bashorat qilish strategiyasining manbalarini ko’rib chiqamiz:

1. Tor kontekst. “use fingerstick” so’z birikmasini tibbiyotshunoslik tematikasi “barmoqdan qon olish” deb tarjima qilish imkonini beradi.

2. Fikrlarning mantiqiy izchilligi. Ma’ruzachi “use fingersticks”, “use gloves”… so’z birikmalarini qo’llaganida tarjimonning ehtimoliy bashorat qilishda aslida faqat ikki tanlovi bor: ma’ruzachining fikrini asliyatdagi variantni oxirigacha tinglab bo’lmasdan “tarkibida tal’k bo’lgan qo’lqoplar” yoki “tarkibida tal’k bo’lmagan qo’lqoplar” deb yakunlashi mumkin bo’lgan. Bu xolatda ikkinchi “tarkibida tal’k bo’lmagan qo’lqoplar” emanti tanlangan.

3. Tarjimon tomonidan ayni paytga qadar tinglangan tarjimaning ma’ruzachining mantiqiy zanjir yoki fikrlari. Bunda mazkur “tarkibida tal’k bo’lmagan qo’lqoplar” tushunchasi o’sha so’zlar bilan ifodalangan bo’lishi mumkin, asliyat tilida boshqa emantic va leksik konstruksiyalar bilan ifodalangan bo’lishi ham mumkin.

4. Tarjimonning asos bilimlari, bu vaziyatda tibbiyotshunoslik bilimlari barmoqdan qon olishda tarkibida tal’k moddasi bo’lmagan qo’lqoplarning ishlatilishi ko’zda tutiladi. Sinxronistning idroki bilan ehtimoliy bashorat qilishning imkoniyligi va ayrim tayanch nuqtalarda verbal xabarning rivojlanishida emant vaziyatni oldindan payqash tildagi va nutqdagi ortiqlikka asoslanadi. Sinxron tarjimada ortiqlilikning zaruriy darajasi avvalambor aloqachi xabarning yuqori emantic ortiqliligi bilan ta’minlanadi. Kam ortiqli xabarlar, masalan, she’riy yoki badiiy matn sinxron tarjimaning ta’siriga yomon uchraydi. Bunda ortiqlilikning ikki qirrasi mavjud:

1) Qaytariluvchanlik;

2) Xabar komponentlarining o’zaro aloqasi.

Bular alohida mulohazalarning semantikasida, shuningdek yaxlit bir aloqachi xabarning kontekstida aniq kuzatiladi.

Ortiqlilikning yuqori darajasi imlikatsiya tushunchasi yoki sinxron tarjimonning til bilimlari va sinxron tarjimaning kommunikativ vaziyati omillari asosida tushgan xabar qismidan chiqarga xulosalarga bog’liq.

Agar sinxron tarjimon tomonidan qurilgan gipotetik model’ asliyat tiliga muvofiq kelsa, unda tarjima mos va muqobil bo’ladi. Agar gipotetik model real vaziyatga muvofiq kelmasa, tarjima tiliga tarjima variant asliyatga muqobillikdan ancha uzoq bo’lishi mumkin. Gipotetik model qurilishi bilan bog’liq yana bir muhim masala shunga taqaladiki, mazkur model tog’ri qurilsa sinxron tarjimada yakuniy qarorni qabul qilish uchun ko’proq vaqt qoladi.

Robin Setton ehtimoliy bashoratni ikki tipga bo’ladi: mantiqiy (deduktiv) va tematik. Shunisi ravshanki, tarjima jarayonida sinxronist bayon etish diskursiv strukturasini rivojlantiruvchi makrokontekstni ushlab turishi lozim bo’ladi. Tarjimon mulohazaning mantiqiy dalilga asoslangan deduksiya asosida xulosa yasaydi. Bu xolda sinxronist ma’ruzachining biror bir argument xulosasini oldindan, ya’ni ma’ruzachining o’zi yakunni yasagunga qadar bashorat qilishi mumkin bo’ladi.