Ko‘pkurash turlari texnikasini o‘rgatish metodikasi Reja

O‘nkurashchilarning sport mashg‘ulotlari
O‘nkurashga reja bo‘yicha tayorlab borish 15-16 yoshdan boshlanib, u 20-21 yoshga yetganda barcha o‘nkurash turlari texnikasini egallash kerak.
Har bir o‘spirinning ko‘pkurash bilan shug‘ullanishi foydalidir. Ammo o‘nkurashda yuqori ko‘rsatkichga ma’lum qobiliyatga ega bo‘lgan sportchilar erishishi mumkin; baland bo‘yli, jismoniy yaxshi rivojlangan, sprintda, yugurib kelib balandlikka sakrashda va yadro itqitishda qobiliyat ko‘rsata olish kerak. Bu uch tur bo‘lajak o‘nkurashchining imkoniyatlarini baholab beruvchi asos sifatida qo‘llaniladi.
O‘nkurashchining mashq qilish jarayoni bir yil davomida ham, bir necha yil mobaynida ham uzluksiz bo‘lishi kerak.
Mashg‘ulotning asosiy vazifalari:
1. Qisqa masofalarga yugurish, balandlikka sakrash, yadro itqitish, g‘ovlar osha yugurish, disk uloqtirishning to‘g‘ri texnikasini bilib olish.
2. Qisqa masofalarga yugurish tezligini va sakrovchanlikni oshirish.
3. Umumiy jismoniy tayorgarlikni (turli xil harakatlar tezkorligini, umumiy chidamlilikni, asosiy mushaklar guruhlari kuchini, bo‘g‘imlardagi harakatchanlikni, ayniqsa tos-son va yelka bo‘g‘imlarida) yaxshilash.
4. Uloqtirish va sakrashga taalluqli mushaklar kuchini rivojlantirish.
5. Ma’naviy va irodaviy fazilatlar darajasini oshirish.
6. Nazariy tayorgarlik ko‘rish.
Ko‘pkurashga kiritilgan turlarning texnikasini o‘rgatish yuqorida aytib o‘tilgan alohida yengil atletika turlari bo‘limlarida ko‘rsatilgan. Ayniqsa, yuqorida ko‘rsatilganidek, qisqa masofalarga yugurish tezligini oshirish kerak. Balandlikka sakrash o‘nkurashning biron mashqi bilan to‘ldirilmaydi. SHuning uchun ko‘pkurashning bu turida maxsus va doimiy mashq qilish lozim. SHu narsa ma’lum bo‘lganki, ko‘pgina o‘nkurashchilar boshida balandlikka sakrash texnikasini egallamaganliklari uchun bu turda keyinchalik mashq qilishlariga qaramay yaxshi natijaga erishmaganlar. Shuning uchun o‘nku-rashchini balandlikka sakrash uchun dastlab to‘g‘ri depsinishga o‘rgatib, bu mashqni tez-tez mashg‘ulotga kiritib turish kerak.
Yadro itqitish, birinchi qarashda, boshqa uloqtirishlarga nisbatan juda sodda ko‘rinadi, ammo natija bu turda disk va nayza uloqtirishga nisbatan juda sekin o‘sadi. YAdro itqitish texnikasini o‘rgatish vaqtida, dastlab kuch va sakrovchanlikni rivojlantirishga e’tibor berish zarur.
G‘ovlar osha yugurish – harakatlarni boshqara olish, chaqkonlik va matonatni rivojlantirish uchun yaxshi vosita bo‘lib, ko‘pkurashning boshqa turlarini bajarish uchun ijobiy ta’sir ko‘rsatadi. Tekis yugurish texnikasiga va egiluvchanlikka ega bo‘lgan sportchi qisqa vaqt ichida g‘ovlar osha yugurishni o‘rganib oladi.
Disk uloqtirish texnikasini egallashda faqat diskning o‘zini o‘rganish mumkin. Nayza uloqtirishga esa oldindan tayorgarlik ko‘rish lozim.
Langarcho‘pga tayanib sakrash – sportchidan yaxshi gimnastik tayorgarlikni talab qiluvchi, o‘nkurashning murakkab turlaridan biridir. Langarcho‘p bilan mashq qilish vaqtida sportchining kuch, chaqqonlik va boshqa sifatlari rivojlanib, boshqa turlarni bajarishga yordam beradi. Shuning uchun yosh o‘nkurashchini dastlab langarcho‘pga tayanib sakrashga o‘rgatish kerak.
Yuqorida ko‘rsatib o‘tilgan yengil atletika mashqlari sonini kamaytirmaslik kerak. Sportchilarga har xil tur bilan shug‘ullanish o‘ziga xos zavq bag‘ishlaydi.
Ammo aytilganlardan uzunlikka sakrash, nayza uloqtirish va 400 m yugurishga tayorlanishga e’tibor bermaslik kerak degan xulosaga kelish yaramaydi. Bu turlar mashg‘ulotlarga albatta kiritiladi, lekin boshda ularga oz vaqt ajratiladi. Bo‘lajak o‘nkurashchi qisqa masofalarga yugurish va balandlikka sakrash bo‘yicha mashg‘ulotlarga qatnasha turib, uzunlikka sakrashga ham tayorlanadi, tezlanish, yugurish masofasini oshirish bilan esa 400 m ga yugurish uchun ma’lum tayorgarlikka ega bo‘ladi.
Ko‘pkurashchi har tomonlama jismoniy rivojlanishga erishish uchun mashg‘ulotlarga shtanga, gantellar, toshlar, sport o‘yinlari va hokazo mashq-larni kiritish kerak.
Sportchining tayorgarligiga qarab, birinchi yildan boshlab u o‘nkurash-ning biror turi bo‘yicha musobaqada qatnashishi kerak.
Tayorgarlik davridagi har bir mashg‘ulotda o‘nkurashning ikki turi texnikasini takomillashtirish zarur. Mashg‘ulotning qolgan qismida boshqa turlardan maxsus mashqlar bajariladi. Bu davrda mashg‘ulot 2,5-3 soat davom etadi.
Mashg‘ulot har 2-3 haftalik davrdan keyin 2-3 mashg‘ulotda o‘nkurash-chining istagan turida shug‘ullanish foydalidir. Mashg‘ulotlar xususiyati bunday o‘zgartirib turilsa, shug‘ullanuvchilar mashg‘ulotni rejali davom ettirishga yanada ko‘proq intiladilar.
Musobaqa davrida bir mashg‘ulotga uch turni (yugurishdan boshqa) kiritish mumkin. Ammo katta hajmdagi ish unchalik jadal bo‘lmasligi kerak.
Ko‘pkurashda musobaqa davri amalda iyun oyidan boshlanadi.
Mashg‘ulotlarning 3-, 4-yilida quyidagi qo‘shimcha vazifalar qo‘yiladi:
1. YUgurib kelib uzunlikka sakrash, nayza uloqtirish texni-kalarini egallash, 400 va 1500 m yugurishga tayorlanish va yuqorida ko‘rsatilgan turlarning texnikasini takomillashtirish.
2. Kuch, tezkorlik, chidamlilik, epchillik va egiluvchanlikni yanada rivojlantirish.
3. Maxsus chidamlilikni rivojlantirish.
4. Irodaviy sifatlarni takomillashtirish.
Bu yillardagi mashg‘ulotlarga o‘nkurashga taalluqli bo‘lgan hamma turlar hamda maxsus mashqlardan og‘irliklar bilan gimnastika snaryadlarida mashq qilish, har xil sakrash mashqlari, sport o‘yinlari, akrobatika, krosslar kiritiladi.
Tez-tez yugurib kelib uzunlikka sakrashlar, nayza uloqtirish hamda 200 dan 500 m gacha yugurishlar, 400 va 1500 m yugurishlarga asta-sekin tayorlanish sifatida uncha katta bo‘lmagan shiddat bilan o‘zgaruvchan yugurishlar kiritilgan.
Ko‘pkurashchining maxsus tayorgarligi sport mashg‘ulotiga, o‘nkurashning o‘tkazilish tartibiga ayrim turlarning kiritilishi bilan boshlanadi. Oxirgi natija o‘nkurashning har bir turiga tayorlana olishga bog‘liq. Bunday tajribani musobaqada hosil qilish qiyin, chunki ko‘pkurash musobaqalari oz o‘tkaziladi, shuning uchun sport mashg‘ulotlaridan foydalanish kerak.
Bu yillarda uzunlikka sakrash va disk uloqtirishga qaraganda balandlikka sakrash va nayza uloqtirish bilan ko‘proq shug‘ullanish lozim. Sababi uzunlikka sakrash boshqa mashqlar bilan to‘ldiriladi, disk uloqtirishga esa tayorgarlikning boshida ko‘p vaqt ajratilgan edi.
YUgurish mashg‘ulotlariga kam o‘zgarishlar kiritiladi. 400 m yugurishga tayorlanish vaqtida 300-500 m ni o‘rtacha tezlik bilan takror yugurib o‘tishlar kiritiladi. 1500 m yugurishga tayorla-nishda ham 4-6x200 m, 3-5x400 m ga takror yugurishlar bir vaqtning o‘zida 400 m yugurishlarga ham tayorlanishga imkon beradi.
18 yoshda mashg‘ulotlarga 800-1200 m ga yugurishlarni kiritish kerak.
Sportchi mana shunday dastlabki tayorgarlikdan keyin o‘nkurashdagi maxsus mashg‘ulotlarga o‘tishi mumkin. O‘nkurash bilan katta yoshdagi qobiliyatli sportchilar shug‘ullana boshlaganlarida texnikani egallash uchun mashg‘ulotga o‘nkurashning hamma turlarini kiritish mumkin.