Координацион химия пәнинен лабораторияда тәжирийбе алып барыў тәртиби ҳәм қәўипсизлик техникасы

Ku’ygende h’a’m za’h’a’rlengende birinshi ja’rdem ko’rsetiw

Ximiyalıq laboratoriyalarda da’ri-da’rmaqlar saqlanatug’ın aptechka bolıwı kerek. Aptechkada sterillengen paxta, bint, plasir, iodtın’ spirttegi 1-3% li eritpesi, sirke kislotanın’ 1% li eritpesi, borat kislotanın’ 2% li eritpesi, natriy bikarbonatının’ 3% li eritpesi glitserin, vazelin, ku’ygende qollanılatug’ın su’rme maylar h’a’m nashatır spirti bolıwı kerek.

Labortoriyada jumıs islep atırg’an adamnın’ bir jeri ku’yip yamasa za’h’a’rlenip qalg’anda da’rh’al birinshi ja’rdem ko’rsetiliwi kerek:
1.Issılıq ta’sirinde ku’ygen jerge qollanılatug’ın su’rme maylar jag’ılıp, u’stine paxta qoyıp bosıraq qılıp baylanadı. Sonday aq kaliy permanganattın’ suyıltırılg’an eritpesi yamasa spirt penen h’o’llengen paxta qoyıp ta baylaw mu’mkin.
2.Kislota ta’sirinde ku’ygen jerdi aldın ko’p mug’dardag’ı suw menen juwıp, son’ natriy bikarbonatının’ 3% li eritpesi menen juwıw h’a’m ku’ygende qollanılatug’ın maylardı su’rtiw kerek.
3.Silti ta’sirinde ku’ygen jerdi taza suw menen juwıp, son’ sirke kislotanın’ 1% li eritpesi menen juwıladı h’a’m vazelin su’rtip baylanadı.
4.Terige brom reaktivi tu’sse, sol jer da’rh’al benzol yamasa benzin menen juwılıp, son’ da’ri su’rtiledi.
5.Qoldı shiyshe keskende kushli ag’ım astında suw menen juwıp, son’ shiyshe sınıqları alınadı h’a’m iodtın’ spirtli eritpesinen jag’ıp baylanıwı kerek.
6. Barlı jag’daylarda da birinshi ja’rdem ko’rsetilgennen keyin student medpunktke jiberiliwi kerek.