Кооперация тамойиллари асосида қишлоқ хўжалиги бирлашмаларини ташкил этиш, давлат рўйҳатидан ўтказиш тартиби ва уни бошқариш тизими

Қишлоқ хўжалиги бирлашмалари (кооператив) устави
Қишлоқ хўжалиги бирлашмалари (кооператив) устави қуйидаги маълумотларни ўзида акс эттириши лозим:

• Қишлоқ хўжалиги бирлашмалари (кооператив) номи;
• манзили;
• фаолият юритиш муддати ёки муддатсиз фаолияти юритиш тавсифига эгалиги кўрсатилиши;

• Қишлоқ хўжалиги бирлашмалари (кооператив)га кириш тартиби ва шартлари, кооперативга аъзоликни тугатиш асослари ва тартиби;
• Қишлоқ хўжалиги бирлашмалари (кооператив) аъзоларининг пай бадаллари миқдори тўғрисидаги шартлар;
• пай бадалларини киритиш таркиби ва тартиби, уларни киритиш бўйича мажбуриятларнинг бузилиши бўйича жавобгарлик;
• бўлинмас фондларни ташкил этиш миқдорлари ва шартлари;

• Қишлоқ хўжалиги бирлашмалари (кооператив)нинг бошқа фондларини ташкил этиш ва ундан фойдаланиш;
• Қишлоқ хўжалиги бирлашмалари (кооператив)нинг фойда ва зарарларини тақсимлаш тартиби;
• қонунда белгилангандан кам бўлмаган миқдорда кооператив аъзоларининг жавобгарлиги шартлари;

• расмий органларда кооперативни давлат рўйхатидан ўтказиш, тугатиш ва қайта тузиш тўғрисидаги маълумотларни чоп этиш тартиби;
• кооперативни тугатиш ва қайта тузиш тартиби ва шартлари;
• кооператив устави қонунчиликка зид бўлмаган бошқа маълумотларни ҳам ўз ичига олиши мумкин.

Қишлоқ хўжалиги бирлашмалари (кооператив) уставига ўзгартиришлар ва қўшимчалар киритиш

• Қонунга мувофиқ шартларда кооператив уставига ўзгартиришлар ва қўшимчалар киритишга рухсат берилади.

• Кооператив аъзоларининг умумий йиғилишида уставга киритилган ўзгартиришлар ва қўшимчалар қонунда белгиланган тартибда давлат рўйхатидан ўтказилиши лозим.

• Кооператив уставига киритилган ўзгартиришлар ва унга қўшимчалар давлат рўйхатидан ўтган пайтдан бошлаб кучга кирган ҳисобланади.

• Агар кооператив уставида бошқа тартиблар кўзда тутилмаган бўлса, жисмоний ва юридик шахслар бир нечта кооперативга аъзо бўлишлари мумкин.
• Кооперативнинг бундай аъзолари сони кооператив аъзоларининг жами сонига (қишлоқ хўжалиги товар ишлаб чиқарувчилари ва кооператив аъзолари - шахсий томорқа хўжалиги юритувчи фуқаролар) нисбатан 20 фоиздан ошмаслиги лозим.