Kontinental intellekt

9.3. Бухгалтерияда ишни ташкил қилиш.

Бухгалтерия ҳисоби маълумотларини ҳозирги замон талабига тўлиқ жавоб беришини таъминлашни яна бир омили, бухгалтерия ҳисоби бўлими ходимларини иш жойларини оқилона ташкил этиш ҳисобланади. Бухгалтерияда ходимлар иш жойини оқилона ташкил этилиши, биринчидан, меҳнат унумдорлигини ошишига, иккинчидан, ходимларни соғлигини сақлашга, учинчидан, ортиқча харажатлар камайишига ёрдам беради.

Бухгалтерия ҳисоби ходимларини иш жойини оқилона ташкил этишда қўйидагиларга аҳамият бериш керак бўлади:

• 
  ходимларни ёруг, хоналар ва керакли анжомлар билан таъминланганлигига;
  
• 
  бухгалтерия бўлими ходимларини асосий фаолиятлари иш жойларида амалга оширилишига (ҳисоб ходимининг биттасига белгиланган майдон меёри беш квадрат метрдан тўққиз квадрат метргача);
  
• 
  ходимларни бухгалтерия ҳисоби қайси бўлимида ишлашига кўра иш жойи таъйинланганига.
  

Масалан, бош бухгалтер ва унинг ўринбосарларига ҳамда, моддий жавобгар шахслар, мижозлар билан мулоқотда бўладиган бухгалтерия ҳисоби ходимларига алоҳида хоналар ажратилиши керак. Сабаби, бухгалтерия бўлими бошқа ходимларни меҳнат унумдорлигига шовқинлар (телефон билан сўзлашувлар, мижозлар билан мулоқотлар) салбий таъсир этиши мумкин.
Ходимларни хона ичида иш жойини ташкил этаётганда, ҳужжатларни қайта ишлаш кетма-кетлигини ёки ходимларни иш фаолиятидаги ўзаро алоқадорлигини ҳисобга олмоқ керак.
Ходимлар иш жойини оқилона ташкил этишда техникалар (компьютер, принтер, факс, телефон ва бошқалар)ни жойлашишини ҳам эътиборга олмоқ керак.
Ходим иш столи томонида қайта ишлаш таркибига кўра жойлашган ҳолда қўйилиши лозим. Столнинг ўнг томонида эса, қайта ишланган ҳужжатлар туриши, бухгалтерия бўлими ходими иш фаолияти самарадорлигини ошиши омилларидан бири ҳисобланади.
Хўжалик юритувчи объектлар менеджмент, маркетинг бўлими ходимлари учун керакли маълумотларни тез ва тўғри узатилиши ҳам иш жойини оқилона ташкил этилишига бевосита боғлиқдир.