Kontinental intellekt

4-чизма. Счётнинг ташқи кўриниши.

Счётларда мол-мулк ва унинг манбасининг ҳисобот даври боши ҳамда охиридаги ҳолати акс эттирилади. Счётларга ҳисобот даврининг бошига маълумотлари бухгалтерия балансининг актив ва пассив қисмлари моддаларидан олиб ёзилади. Ушбу маълумотлар қолдиқ ёки сальдо деб аталади. Айрим ҳолларда баъзи бир счётларда сальдо бўлмаслиги ҳам мумкин. Дебет ва кредитда актив ёки пасссивларнинг таркибидаги ўзгаришлар акс эттирилади. Ҳисобот даври ичида счётнинг дебет қисмида ёзилган суммалар дебет оборот, кредит қисмига ёзилган суммаларини кредит оборот деб аталади.

Бухгалтерия ҳисоби счётларини туркумлашдан асосий мақсад амалга оширилган хўжалик муомалаларини умумлаштириш, олинадиган маълумотларни соддалаштиришдан иборатдир. Шу билан бирга маблағлар ҳаракати юзасидан назорат ишларини тўғри ташкил қилишни таъминлашдир.


2-жадвал


Бухгалтерия ҳисоби счётларининг туркумланиши

№	Счётлар туркумланиш хусусиятлари	Хусусиятлардан келиб чиққан ҳолда счётлар таркиби
1.	Счётларнинг тузилишига кўра	Доимий счётлар	Актив (А)
			Пассив (П)
		Вақтинчалик счётлар	Транзит счётлар (Т)
		Балансдан ташқари счётлар (Бт)
2.	Кўрсаткичларни акс эттирилишига кўра	Синтетик счётлар
		Аналитик счётлар
3.	Балансда акс эттирилишига кўра	Балансли счётлар
		Балансдан ташқари счётлар (Бт)
4.	Тайинланиш– мўлжалига кўра	Асосий счётлар	Актив счёт (А)
			Пассив счёт (П)
		Тартибга солувчи счётлар	Контр-актив (КА)
			Контр-пассив (КП)
			Тўлдирувчи счётлар
		Тақсимловчи счётлар	Йиғиб тақсимловчи
			Ҳисобот даврлари бўйича тақсимловчи
		Калькуляция счётлари
		Таққословчи счётлар