Konstruktivizm dars ishlanmasi

Konstruktivizm dars ishlanmasi

Standartlar (Namoyish, Bilim hamda NETS-S):

Mavzu: Otli birikma va fe’lli birikma Maqsad: O’quvchilarga gapdagi teng va tobe bog‘lanish yuzasidan ma’lumot berish, mavzu orqali o‘quvchilarda ona tilimizga nisbatan muhabbat va mas’ullik hissini tarbiyalash,milliy o‘zlikni anglash yuzasidan mavjud tushunchalarni yanada shakllantirish, o‘quvchilarning yozma va og‘zaki nutqini rivojlantirish,olingan bilimlarni amalda qo‘llay olish ko‘nikmalarini shakllantirish.

Ushbu darsni tugatgandan so'ng talabalar qanday tushunchalarni tushunishlarini xohlaysiz:

Dars yakunida o‘quvchilar sintaksis bo‘limiga oid tushunchalarni farqlay olishlari, teng va tobe bog‘lanish, so‘z birikmasi, so‘z birikmasida hokim va tobe so‘z, hokim so‘zning ifodalanishiga ko‘ra otli birikma va fe’lli birikmaga bo‘linishi haqida bilimga ega bo‘lishlari hamda og‘zaki va yozma nutq jarayonida ushbu bilimlarni amalda to‘g‘ri qo‘llay olishlarini xohlayman.

Muhim savollar:

1.Mustaqil so‘zlarning nutqda bog‘lanishidan nima hosil bo‘ladi? 2.So‘zlarning gapdagi bog‘lanishi nima deyiladi? 3. Sintaktik aloqani o‘rganuvchi bo‘lim nima deyiladi. 4.Gap bitta so‘zdan ham iborat bo‘lishi mumkinmi? 5. Otli so‘z birikmasida hokim so‘z qaysi so‘z turkumlari bilan ifodalanadi? 6.Fe’lli so‘z birikmasida hokim so‘z qaysi so‘z turkumlari bilan ifodalanadi?

Muvaffaqiyat mezonlari (Talabalar tushunchalarni tushunganliklarini qanday bilasiz?):

Muvaffaqiyat mezoni sifatida o‘quvchilarning mavzuni yaxshi o‘zlashtirganliklari, oldingi o‘tilgan mavzularni ,bilimlarni esga olishlari, qayta tahrirlay olishlari, yangi bilimlarni avvalgi tajriba va bilimlar asosida barpo qila olganliklarini ko‘rsata olaman. Dars jarayonida o‘quvchilar berilgan topshiriqlarni ongli ravishda bajarib, qo‘llangan metodlarning mohiyatini anglagan holda mustaqil, guruh bo‘lib ishladilar. Mavzuga oid tushunchalarni amalda to‘g‘ri qo‘llay oldilar.

Manbaalar ( Siz hamda o’quvchilar qaysi manbaalardan foydalanasiz?):

Dars mashg‘uloti davomida elektron doskadan foydalangan holda mavzuga oid o‘zim tayyorlagan slayddan, ZiyoNet,Google You Tubedan mavzuga oid quiz testlardan , mavzu yuzasidan Jeopardylabs o‘yinidan foydalandim.Bu manbalardan unumli foydalanish o‘quvchilarning mavzuni yanada yaxshi tushunishlariga katta yordam berdi.

Boshqaruv (talabalar texnologiya resurslarini qanday almashadilar? Dars qanday qilib raqamlar yoki kunlar kabi segmentlarga bo'linadi?)

Dars mashg‘loti guruhlarga bo‘lingan holda tashkil etiladi. 2-ta guruhga bo‘lingan o‘quvchilar “To‘g‘ri-noto‘g‘ri” , “Matematik bozor” , “So‘z birikmasi daraxti” o‘yinlari orqali o‘z bilimlarini namoyish etadilar. Dars tashkiliy qism, takrorlash, yangi mavzu bilim tanishish, o‘tilgan mavzuni mustahkamlash, yakuniy qismlardan tashkil topdi. O‘quvchilar dars jarayonida mustaqil ishlash, guruh bo‘lib ishlash orqali o‘zaro ma’lumot almashdilar.