Konstruksiya elementlari va tuzilmalari

Sterjenning og‘ma kesimlaridagi kuchlanishlarni aniqlash va tahlil qilish.

Cho‘zilgan yoki siqilgan sterjen materialining tashqi kuchlar ta’siriga etarlicha qarshilik ko‘rsatishini bilish uchun uning faqat ko‘ndalang kesimlaridagi normal kuchlanishlarni aniqlashgina kifoya qilmaydi, balki sterjenning turli qiya kesimlaridagi kuchlanishlarni ham topish zarur bo‘ladi.

Cho‘zilgan sterjenning ko‘ndalang I-I kesimi bilan burchak hosil qiluvchi I-II qiya tekislik yordamida kesib ikki qismga ajratamiz. (5.3,a-chizma). Pastki D qismini olib qolib (5.3,b-chizma), uning muvozanatini tekshirish natijasida I-II qiya kesimida hosil bo‘ladigan kuchlanishlarni aniqlaymiz. Qiya kesimning tashqi 0n normali sterjen o‘qi bilan ham burchak hosil qiladi. Agar burchak sterjen o‘qiga nisbatan soat strelkasi yurishiga teskari yo‘nalsa, bunday yo‘nalishni musbat deb hisoblaymiz. Sterjenning qoldirilgan D qismining I-II tekislikka tik o‘tkazilgan 0n tik chizig‘i shu kesimning normali deyiladi. Sterjenning I-I ko‘ndalang kesim yuzini A, I-II qiya kesim yuzini esa bilan belgilaymiz.