Konstruksiya elementlari va tuzilmalari

Teng qarshilikli sterjenlar
Sterjenning uzunligi bo‘ylab barcha ko‘ndalang kesim yuzalarida kuchlanish o‘zgarmas bo‘lgan sterjenlar teng qarshilikli sterjenlar deb ataladi. Pastki uchi bilan mahkamlangan 7.2,a-chizma da keltirilgan teng qarshilikli sterjenning ko‘ndalang kesimining o‘zgarish qonunini aniqlaymiz, uning ixtiyoriy kesimda kuchlanish berilgan ruxsat etilgan kuchlanishga teng bo‘lsin.

Pog‘onali sterjenlar

Ko‘ndalang kesim yuzasi har bir oraliq bo‘yicha o‘zgarmas bo‘lgan, alohida oraliqlardan tashkil topgan sterjen, ko‘ndalang kesimi o‘zgarmas bo‘lgan sterjen (7.1-chizma) va teng qarshilikli (7.2-chizma) sterjenlar oralig‘ida bo‘ladi. O‘zgarmas kesim yuzali sterjenlarga qaraganda pog‘onali sterjenlarda material ancha tejaladi. Pog‘onali sterjenlarni tayorlash teng qarshilikli sterjenlarni tayorlashga qaraganda ancha sodda. Pog‘onali sterjenlarni shunday loyihalash lozimki, har bir pog‘onaning oxiridagi xavfli kesimda kuchlanish ruxsat etilgan kuchlanishga teng bo‘lish shart. Bunda sterjenning qolgan barcha boshqa kesimlarida kuchlanish ruxsat etilgan kuchlanishdan kichik bo‘ladi.