Konstitutsiya mamlakatimiz poydevori

KONSTITUTSIYA MAMLAKATIMIZ POYDEVORI

O`zbekiston Respublikasi Konstitutsiyasining yaralish tarixiga nazar tashlashdan oldin konstitutsiya nima degan savolga javob topish maqsadga muvofiq deb o`ylayman .

Konstitutsiya (lotincha “Constitution”- tuzilish , tuzuk)-davlatning asosiy qonuni .U davlat tuzulishini , hokimyat va boshqa boshqaruv organlari tizimini, ularning vakolati hamda shakillantirish tartibi , saylov tizimi , fuqarolarning huquq va erkinliklari , jamiyat va shaxsning o’zaro munosabatlarini belgilab beradi.

Konstitutsiya tarixan nazar tashlaydigan bo`lsak, qadim davrlardan to shu kungacha bo`lgan ajdodlarimizning to`kkan qoni, qilgan barcha mehnati mahsulidir. Bu kunlarni ularning o`zlari ko`rmadilar ammo ularning farzandlari avlodlari bu kunlarga yetgazganlari uchun ulardan minnatdordir. Biz yashab turgan bu musaffo osmon , bag`ri keng diyor, tinch va omon halqimiz Konstitutsiyamizning himoyasidadir.Biz huquqshunoslar bosh qomusimizga tayangan holda halqimizga,Prezidenimizga sodiq xizmat qilib xalq mehrini qozonmog`imiz joiz. Bu qonun zamirida ota bobolarimiz peshona terisi, qanchadan qancha mehnatlari yotibdi.Ushbu qonunni himoya qilgan holda ajdodlarimizga loyiq farzand bo`lishga intilib kelayotgan ,izlanish va mehnatdan charchamaydigan qonun himoyachilarini kirib kelayotgan bosh qomusimizning yaralish kuni bilan muborakbot etaman.

Konstitutsiyamiz o`ziga hos bo`lgan murakkab yaralish tarixiga egadir. Yaqin o`tmish emas balki qadimdan yurtimiz hududida yashab kelayotgan millatlar o`zlarining asriy orzusi bo`lgan mustaqillika intilib kelmoqda. Avvalambor, konstitutsiyaviy “bino”ni qurishda uch ming yillik milliy davlatchilik tajribasiga tayanilgan. Qolaversa, manfaatlarimiz va intilishlarimizdan kelib chiqqan holda, Asosiy Qonunimiz Sharq va G‘arb, Janub va Shimolning 97 ta mamlakati to‘plagan ilg‘or konstitutsiyaviy tajribani hisobga olib yaratilgan.Sobiq tuzum davrida ro`y bera boshlagan erkinlik uchun kurashlar ko`p yillik intilishlarimizning ilk maxsullaridan biri edi faqatgina yurtimizni yorug` kunlarga olib chiqish kimningdir zimmasiga yuklanishi kerak edi holos. Ammo mamlakatimizni mustaqillik ostonasiga olib chiqish albatta zalvorli vazifa va shu bilan birga o`ta havfli ish edi, chunki Sobiq Ittifoq (CCCP) o`zining parchalanib ketishiga jim qarab tura olmas edi. Binobarin, taqdir Islom Karimov zimmasiga jamiyatni yangilash, o‘tish davrining murakkab sharoitida davlatimizni ijtimoiy-iqtisodiy, siyosiy, davlat-huquqiy va ma’naviy-ma’rifiy jihatdan rivojlantirishning pishib yetilgan muammolarini hal qilish, jumladan, bo‘lajak mustaqil yurt Konstitutsiyasini yaratish kabi tarixiy vazifalarni yuklagan edi.

Demak tarixan nazar tashlaydigan bo`lsak konstitutsiyamizning muallifi deb bevosita birinchi aytish hech shubhasiz joizdir . Mamlakatimizning bugungi rivoji konstitutsiyamizda keltirilgan moddalarda o`z aksini topgan ,rivojlanishimiz yuksalishimiz hech bir davlatga qaram bo`lmay dunyo tan olgan davlatga aylanishimizda bosh qomusimizning o`rni shu bilan birgalikda birinchi Prezidentimizning roli beqiyosdir.   Mamlakatimiz rahbarining 1991 yil 31 avgustda, o‘n ikkinchi chaqiriq O‘zbekiston Respublikasi Oliy Kengashining navbatdan tashqari oltinchi sessiyasida so‘zlagan nutqi, ayniqsa, o‘sha nutqdagi: “Men shu bugundan e’tiboran 1 sentabrni respublikamizda Mustaqillik kuni, umumxalq bayrami deb e’lon qilishni taklif etaman”, degan otashin so‘zlari Vatanimiz tarixiga oltin harflar bilan manguga yozilgandir.

         Birinchi Prezidentimiz oradan 17 yil o‘tganidan so‘ng o‘zining “Yuksak ma’naviyat – yengilmas kuch” asarida ana shu hayajonli voqeaga: “1991 yil 31 avgust sanasida qo‘lga kiritilgan milliy mustaqillik – XX asrda xalqimiz tomonidan amalga oshirilgan buyuk ma’naviy jasorat namunasidir, desak, ayni haqiqatni aytgan bo‘lamiz”, deya yuksak baho berdi.

Demak hech mubolag`asiz bunday yutuqlarga erishishimiz, o`z yurtimiz to`g`risida jo`shib jahon arenalarida yurtimiz bayrog`ini jahonga tanitishdek imkoniyatlarni bizga taqdim etgan qonun bu konstitutsiyamiz deyish mumkin.

Aziz yurtdoshlar va qadrdon Termiz Davlat Universiteti talabalari barchangizni yana bir bor ushbu muborak ayyom bilan tabriklayman.

Yurisprudensiya 321-gurux Turdiqulov Jahongir