Конспекти 1-мавзу : «Сафлар ва уларни бошқариш. Командир ва ҳарбий хизматчилар -нинг сафдаги мажбуриятлари»

20. Саф амалини бекор қилиш ёки ижросини тўхтатиш учун «ҚАЙТАРИЛСИН» командаси берилади. Ушбу командага биноан саф амали ижросига қадар бўлган ҳолат қабул қилинади.
21. Мазкур Низомда зикр этилган саф амаллари ва ҳаракатларининг ижросини ўзлаштириш мобайнида, уларни қисмларга бўлиб, саноқ остида, шу жумладан, тайёрлов машқлари ёрдамида бажаришга йўл қўйилади, мисол учун: «Автоматни кўкракка олиш, саноқ остида бажарилсин: амал – БИР, амал – ИККИ, амал – УЧ», «Ўнгга бурилиш саноқ остида бажарилсин: амал – БИР, амал – ИККИ».
22. Терма командалар бўлинма бўйича саф тақсимоти бажарилиб тузилади. Тақсимланиш учун ҳарбий хизматчилар бир ёки икки шеренгали саф тортиб, мазкур Низомнинг 89- моддасида баён этилган каби, умумий рақамланиш бўйича саналиб чиқишади. Шундан сўнг, командадаги одам сонига боғлиқ ҳолда взвод ва гуруҳларга изчил тақсимланиб, ушбу бўлинмаларнинг командирлари тайинланади.
Парадда иштирок этиш ва шу каби, бошқа ҳолатларда, бўлинма, ўз командирининг буйруғига мувофиқ уч, тўрт ва ундан ортиқ колоннали умумий саф тортади. Бунда, ҳарбий хизматчилар сафга, одатда, бўйма-бўй туришади.
23. Бўлинма «САФЛАН» командасига биноан саф тортади. Ушбу командадан олдин саф тортиш тартиби кўрсатиб ўтилади, мисол учун: («Гуруҳ, бир шеренгага САФЛАН»). Бундай командага биноан, бўлинма ҳарбий хизматчилари сафдаги ўз ўрнини белгиланган интервал ва дистанцияга амал қилган ҳолда эгаллаб, қад ростлаб туриши лозим.
24. Қўшин тури ва махсус қўшинларга мансуб бўлинмаларга команда бериш мобайнида «группа», «взвод», «батальон» ва «бригада» сўзлари ўрнига бўлинма ва ҳарбий қисмларнинг Қуролли Кучлар тури тасарруфидаги қўшин турлари ва махсус қўшинларда қабул қилинган номлари айтиб ўтилади.

ИЛОВАЛАР

ЎР МВ, ИИВ, ФВВ, МХХнинг
2013 йил 28 октябрдаги 13/34/6/84- сонли қўшма қарори билан тасдиқланган Ўзбекистон Республикаси Қуролли Кучларининг Саф низомига
1- илова