Konimex tuman kasb – hunar maktabi 2022- yil “Inson qadrini ulug‘lash va faol mahalla yili”ga bag‘ishlab

Konimex tuman kasb – hunar maktabi
2022- yil “Inson qadrini ulug‘lash va faol mahalla yili”ga bag‘ishlab
“Inson qadri ulug‘, xotirasi abadiy” mavzusida Ma’ruza
Jafokash xalqimiz asrlar davomida ne-ne og‘ir sinovlar,
mashaqqatli kunlarni ko‘rmadi. O‘z ozodligi, erkinligi,
tinch hayoti yo‘lida kurashib, behisob qurbonlar bergan ota-
bobolarimiz jasorati tarixiy xotiramizdan hech qachon
o‘chmaydi.
Shavkat Mirziyoyev.
Biz bu kunlarga osonlikcha etib kelganimiz yuq. Ozodlik yo‘lida xalqimiz behisob qurbonlar bergan. Bugungi yorug‘ kunlar uchun hayotini bag‘ishlagan minglab millatparvar fidoyi insonlar shafqatsiz qatag‘onga uchragan. Ular orasida ziyolilar, qanchadan –qancha kosib va dehqonlar, hunarmandlar, bir so‘z bilan aytganda, turli millatga mansub yuzminglab oddiy odamlar bor edi. O‘zbekistonda tiklanish yillari benihoya og‘ir kechdi. Mazlum xalqning ozodligi, erkin turmushini barqarorlashtirish yo‘lida bor kuchini safarbar etishga to‘g‘ri keldi. Cho‘lpon, Fitrat, Abdulla Qodiriy, Botu, Usmon Nosir singari bir –biridan iste’dodli ziyo tarqatuvchilar o‘z ijodlari bilan milliy madaniyat taraqqiyotiga beqiyos hissa qo‘shdi. Ayniqsa taqdirimizga “Oq dog‘” bo‘lib tushgan 1930-1950- yillardagi qatag‘on qanchadan-qancha halol insonlarning umriga zomin bo‘ldi. Ziyolilarning etuk nomoyondalari millatchilikda ayblangan. Yolg‘on guvohlar ham topilgan. Fitrat, Cho‘lpon va Usmon Nosir asarlariga shubxa bilan qaragan. Ularning ninadek kamchiligidan yirik siyosiy xatolar izlagan. Shu bois o‘z xalqiga ular dushman qilib ko‘rsatildi. Ommani ma’rifatga chorlovchi kitoblar ayovsiz yo‘q qilindi. O‘zbek romanchiligiga asos solgan Abdulla Qodiriyning ijodiga katta ayb qo‘yildi. Asarlardagi muhabbat va mehr – oqibatni tarannum etuvchi satrlarning ma’nosi teskari sharhlandi. Zero, o‘sha kezlarda hech kim bu bedodlikning oldini olish qudratiga ega emasdi. Ammo yorug‘ kunlar kelishiga imoni komil edi. Har qanday kulfat bejiz ketish mumkin emas. Insonni jismonan mag‘lub etsa bo‘ladi-yu, ammo uning ishini yo‘qqa chiqarish mushkuldir. Elliginchi yillarning ikkinchi yarmida nohaq ayblanganlarni oqlash, ularning nomini tiklash borasida katta ish olib borildi. Inson yashash uchun kurashadi. Ammo hech vaqt haqiqatdan tuhmat ustun kelmasin ekan... Biz bugungi kunda qoralayotgan, la’natlashga so‘z topa olmayotgan shaxsga sig‘inish davri elimizning qanchadan – qancha asl farzandlari yostig‘ini quritdi. Ularga yorug‘lik nasib etmadi. Yurt manfaati, millat ravnaqi uchun o‘zini mas’ul deb bilgan minglab ziyolilar, mangulikka bosh qo‘yishdi. Oshkoralikni beg‘ubor shamoli biz kutgan xaqiqatni ruyobga chiqardi. Bizni to‘g‘ri so‘zlashga, dilimizda nima bo‘lsa, shuni izhor etishga o‘rgandik. Shu bois 1930-1950 yillarda jabr tortganlar haqida bor gapni aytish bugungi kunda biz uchun ham qarz, ham farz bo‘lib qolmoqda. Xalqimizning asriy orzusi ushalib, O‘zbekiston o‘z mustaqilligini qo‘lga kiritdi. Mustaqillik tufayli mamlakatimiz hayotida ko‘plab ijobiy ishlar amalga oshirilmoqda, xususan ta’lim sohasida ham. O‘sha olovli yillar, fojiali taqdirlarga bugun xolisona baho berilmoqda. Xalqimiz va millatimizning yaqin o‘tmishdagi hali-hanuz sir bo‘lib kelayotgan yopiq sahifalarini to‘la ochib berish shu tarixdan saboq chiqarib, bugungi va kelajak hayotimizga ongli qarashni shakllantirishda aholida o‘rin tutishini ta’kidlab o‘tganida aynan shu masalalarni ko‘zda tutgan edi. Mustabid tuzum qatog‘onlari qurboni bo‘lgan Vatanning ziyoli, ma’rifatparvar o‘g‘lonlari xalqimiz, kelajak avlodlarimiz qalbida abadiy yashaydi. Zero ilm ziyosi so‘nmaydi.


Ma’ruzachi: X. Bazarova