Konferensiyasi

“ZAMONAVIY TA‟LIM TIZIMINI RIVOJLANTIRISH VA UNGA QARATILGAN KREATIV G‟OYALAR, 
TAKLIFLAR VA YECHIMLAR” MAVZUSIDAGI 27-SONLI RESPUBLIKA ILMIY-AMALIY ON-LINE 
KONFERENSIYASI 
www
.
bestpublishing.
org
319 
Душманнинг кичик отрядларига ва унча катта бўлмаган гарнизонларига ҳужум 
қилган Сўғдиѐна аҳолиси матонатли қаршилик кўрсатди. Яксарт дарѐси водийларида 
жойлашган, босқинчиларга қарши бош кўтарган еттита шаҳар аҳолиси 
македонияликлар гарнизонларини тормор этди. 
Ахоманийлар дунѐсини забт этган Искандар Сўғдиѐнада халқ қўзғолонини 
охиригача бостира олмади. Фақатгина маҳаллий зодагонларнинг хоинлиги ва 
юнонмакедон армиясининг ҳарбий устунлиги туфайли сўғдларнинг қаҳрамонона 
қаршилиги бостирилди. Ўрта Осиѐ ерларини забт этиш учун Искандарнинг қарийб уч 
йил вақти кетди, лекин шунга қарамай у ўзига унча катта бўлмаган ҳудудни: Сўғд, 
Бақтрия ва тоғ вилоятларининг кичик қисмини бўйсундира олди. Хоразм ва кўчманчи 
қабилалар ўз мустақилликларини сақлаб қолдилар.
Маҳаллий зодагонларни ўз томонига оғдириб олиш учун Искандар, Сўғднинг 
тоғ вилоятларидан бирининг ҳукмдори Вахшуварнинг (Оксиартнинг) қизи 
Роҳшанакка (Роксанага) уйланди.
Спитаменнинг қўзғолони қийинчилик билан бостирилди, лекин ҳали ҳам 
Паретакена (паретаклар мамлакати–Сурхондарѐнинг шимолий ҳудудидаги тарихий 
вилоят) қаршилик кўрсатаѐтган эди, бу ерда қабила бошлиқлари Австан ва Катан 
раҳбарлигида бақтрияликлар қаҳрамонона жанг қилаѐтган эдилар. Бу қўзғолон қонга 
ботирилди. Македониялик Искандар учун ғалаба қимматга тушди ва мағлубият билан 
тенг бўлди. Сирдарѐга етиб келиб у саклар билан ҳужумни давом эттиришга ботина 
олмади.
Спитамен, Австан, Катан сингари истеъдодли саркардалари, жанг олиб бориш 
қобилияти юқори бўлган отлиқ отрядлари бўлган аждодларимизнинг матонатлари, 
македонияликларни Бақтрия ва Сўғдиѐнани босиб олиш учун кўп куч ва вақт 
сарфлашга мажбур этди. Македония армияси катта талофатлар кўрди. Искандарнинг 
ўзи бир неча марта ярадор бўлди.