Конференция иш тартиби 2021 йил 25 май, сешанба

ҚУТЛУҒ ЁШИНГИЗ МУБОРАК!!!
Ў збекистонда хизмат кўрсатган фан арбоби, Беруний номидаги давлат мукофоти лауреати, халқ таълими аълочиси, физика-математика фанлари доктори, профессор Банноб Отақулов 1931 йил 10 апрелда Фарғона шаҳар Ёрмозор қишлоғида таваллуд топган. 1952 йили Фарғона педагогика институтининг физика-математика факультетини имтиёзли диплом билан тамомлаган.
1965 йилда Ўрта Осиё давлат университетининг физика-математика факультети илмий кенгашида номзодлик диссертациясини, 1979 йилда Вильнюс давлат университети ихтисослашган илмий кенгашида докторлик диссертациясини ҳимоя қилган. Банноб Отақуловнинг илмий раҳбарлиги ва кўмагида 14 нафар олимлар физика-математика ва техника фанлар номзоди илмий даражасини олган. Профессор Б.Отакулов 1971-1984 йилларда Фарғона давлат педагогика институти ректори лавозимида ишлади. 1992-1994 йилларда Фарғона давлат университети ректори лавозимида ишлади.
Илмий педагогик кадрлар таёрлашга қўшган улкан ҳиссаси учун Республика Олий Мажлис Президиуми ва Вазирликнинг фахрий ёрлиқлари билан мукофотланган. Профессор Б.Отакулов 10 дан ортиқ ихтиро учун патент, 300 дан ортиқ илмий ишлар, 1 та дарслик, 4 дан ортиқ ўқув қўлланма ҳамда 3 та монография чоп эттирган.

«Меҳнат шуҳрати» ордени, «Шуҳрат» медали соҳиби, физика - математика фанлари доктори, профессор Рустам Явкачович Расулов 18 май 1951 йили Самарқанд вилояти Пастдарғом туманида таваллуд топган. 1973 йили Фарғона давлат педагогика институтининг физика-техника факультетини имтиёзли диплом билан тамомлаган. У 1993-2010 йилларда Ўзбекистон Республикаси ФА Фарғона илмий марказининг ижрочи директори, факультет декани ва кафедра мудири лавозимларида фаолият олиб борган.

1983 йили Россия ФА Физика-техника институтидаги ихтисослашган илмий кенгашида номзодлик, 1993 йилда мазкур илмий кенгашда докторлик диссертациясини ҳимоя қилган. Унинг илмий раҳбарлигида ва кўмагида 1 та докторлик ва 9 та номзодлик диссертациялари ҳимоя қилинган.
Профессор Р.Я.Расулов 2 та ихтиро учун патент, 300 дан ортиқ илмий ишлар, 1 та дарслик, 2 та ўқув қўлланма ҳамда 6 та монография чоп эттирган.
Ҳозирги пайтда Р.Я.Расулов кафедра профессори лавозимида ишламоқда.