Кондуктометрик титрлаш ишнинг мақсади

КондуктометриК ТИТРЛАШ
Ишнинг мақсади: Эквивалент нуқтани, электролитларнинг эритмадаги г-экв лар сонини ва электролитлар аралашмаси эритмасининг таркибини аниқлаш.
Ишнинг моҳияти: Кондуктометрия электролит эритмаси электр ўтказувчанлигининг ўзгариши бўйича эквивалент нуқтани топиш усули бўлиб, у турлича ҳаракатчанликка эга бўлган ионларнинг концентрацияси титрлаш жараёнида кимёвий реакция бориши натижасида ўзгаришига асосланган.
Ҳисоблаш формулалари: R_x=R_M (1); (2); n=V_т,экв.с_Т 10^-3 (3),
бу ерда с_Т- титрант эритмасининг г-эквл даги концентрацияси;
V_т,экв.- эквивалент нуқтага мос келувчи титрант эритмасининг ҳажми, см³.
Ишнинг бажарилиши: Титрлаш 1-2 мл ли микробюретка ёрдамида платина электродлари туширилган ячейкада олиб борилади. Кондуктометрик титрлашда идишнинг доимийсини аниқлаш талаб қилинмайди, чунки мақсади фақат эквивалент нуқтани топишдан иборат. Лекин титрлаш давомида эритманинг ҳажми кучли ўзгариб кетишига йўл қўймаслик керак, акс ҳолда суюлтириш натижасида электр ўтказувчанлик пасайиб кетади. Шу сабабли иложи борича юқори концентрацияли титрант ишлатилади. Ячейкага 5-10 мл 0,25 N ли кислота қуйилади, электродлар туширилади ва Кольрауш кўпригига уланади. Ҳаракатланувчи контактни реохорднинг ўртасига қўйиб, қаршиликлар магазинидан R_M нинг қиймати топилади. Ушбу қиймат (1) тенгламага мувофиқ l₂l₁= 1 да эритманинг қаршилиги R_x га тенг ва кўприк диагонали бўйича ток кучи минимал қийматга эга бўлади. Эритманинг қаршилиги R_x бир неча марта аниқланади ва ўртача қиймат олинади. Сўнгра, эритмани магнит аралаштиргич ёрдамида аралаштириб турган холда, бюреткадан 0,1 см³ улушларда ишқорнинг 2,0 N ли титрланган эритмасидан қуйиб борилади. Ҳар бир қуйилган ишқорнинг аниқ ҳажми топилади, эритманинг R_x қаршилиги ва электр ўтказувчанлиги ҳисобланади. 1R=f (V_NaOH) ёки =f(V_NaOH) боғлиқлик графиги чизилади. Графикда тўғри чизиқли боғланиш соҳаларига эга бўлган синиқ чизиқ ҳосил бўлади, ушбу синиқ чизиқнинг кесишган нуқтаси эквивалент нуқтага жавоб беради. Чизиқлар тўғри бўлиши учун титрланаётган эритманинг ҳажми деярли ўзгармаслиги керак, шунинг учун титрлашга ишқорнинг юқорироқ концентрацияси олинади (титрантнинг концентрацияси титрланаётган эритманинг концентрациясидан 5-10 марта юқори бўлиши керак), ҳамда титрланаётган кислота эритмасига 150 мл дистилланган сув қуйилади.
Эквивалент нуқтада кислота ва ишқор эритмаларининг г-экв лар сони тенг V_xc_x=V_Tc_T (бу ерда c_x ва c_T эритманинг ва титрантнинг г-эквл лардаги концентрациялари) бўлгани учун, титрланаётган эритманинг концентрациясини ёки ҳажмини юқоридаги тенгламалардан аниқлаш мумкин.

1-расм. Кондуктометрик титрлаш асбоби

Олинган натижалар қуйидаги жадвалларга ёзилади.1-жадвал.