Konchilik ishi

Djezkazgan № 1 boyitish fabrikasi

Fabrikadan qo‘rg‘oshin va mis – qo‘rg‘oshin – rux rudalari bilan birga mis – qo‘rg‘oshin rudasi xam qayta ishlanadi. Asosiy rudali minerallar - xalkozin va bornit, xamda xalkopirit. Bu rudadagi misni xalkozin va bornit ko‘rinishidagi minerallari 90-95 % ni tashkil etadi. Mis – qo‘rg‘oshin kompleks rudalari xozirgi paytda kollektiv – selektiv sxema bo‘yicha boyitiladi, xamda mis – qo‘rg‘oshin konsentratlari olinadi. Ruda -18 mm gacha maydalanadi xamda yanchish jarayoniga jo‘natiladi. 70 % gacha yanchilgan maxsulot asosiy kollektiv flotatsiyaga kelib tushadi. Ikki marta tozalangan kollektiv konsentrat qo‘rg‘oshin flotatsiyasiga kelib tushadi. Misni cho‘ktirish maqsadida sianid tuzi va rux kuporosi, xamda natriy sulfid, aktivlashtirilgan ko‘mir va soda qo‘shiladi. Dag‘al qo‘rg‘oshin konsentrati qo‘shimcha 85-90 % gacha yanchilgach, uch marta tozalash jarayonidan o‘tib, tayyor qo‘rg‘oshin konsentrati olinadi. Qo‘rg‘oshin flotatsiyasi chiqindisi diametri 500 mm li gidrotsiklonda yuvilib, qum qismi 90-100 % gacha qayta yanchiladi va mis konsentrati olish uchun jo‘natiladi. Quyilmasi esa tayyor mis konsentrati bilan qo‘shiladi. Sianidsiz texnologiya yordamida mis konsentrati ajratiladi, xamda tarkibida 38-40 % mis konsentrati ajratib olinadi va ajratib olish foizi 92-94 % . Mis konsentrati tarkibida 4,5 % rux va 2 % qo‘rg‘oshin bor. Ajratib olingan rux konsentratida esa 40-44 % rux , 2,8 -3,6 % mis va 0,08 % qo‘rg‘oshin bo‘lib, ajratib olish foizi 52-56 %. Kollektiv konsentrat 80-85 % gacha qo‘shimcha yanchilgach, mis minerallari sianid va rux kuporosi yordamida cho‘ktirilib, qo‘rg‘oshin flotatsiyasi amalga oshiriladi. Bu jarayonga natriy sulfid, soda va aktivlashtirilgan ko‘mir qo‘shiladi.

№1 va №2 Kentaus boyitish fabrikalari

Bu fabrikada Mirgalimsaysk konining qo‘rg‘oshin-baritli aralash rudasi qayta ishlanadi. Bu rudalarda qo‘rg‘oshinning oksidli minerallari (serussit, anglezit va plyumboyarozit ) 15-20% ni tashkil etadi. Rudada undan tashqari 1,5 % pirit, kamroq miqdorda sfalerit va xalkopirit uchraydi. Asosiy noruda minerallar – kalsit, dolomit, kvars, limonit, getit, gidrogetit. 90% galenitni o‘lchami 0,2 mm ni, undan 50% 0,02 mm ni tashkil etadi. Baritni zarrachalari 0,05 mm ga teng. Rudani boyitish uch bosqichli flotatsiyalash sxemasi yordamida amalga oshiriladi. Birinchi bosqich yanchish jarayoni sterjenli tegirmonlarda olib boriladi. 45-50% li 0,074 mm o‘lchamdagi quyilma asosiy qo‘rg‘oshin flotatsiyasi jarayoniga jo‘natiladi. Bu jarayonga 450 g/t natriy sulfid - sulfidizatsiya uchun, to‘plovchi reagentlardan butil va ksantogenatlari aralashmasi (85g/t), ditiofosfat (18g/t) va ko‘piq xosil qiluvchi

reagent T-92 (10g/t) ta’sir ettiriladi. I- flotatsiyaning chiqindisi 75-80% 0,074 mm gacha qayta yanchilib va II flotatsiyaning chiqindisi 100% gacha qayta yanchiladi va qo‘rg‘oshin flotatsiyasi amalga oshiriladi. Bu jarayonga 350g/t natriy sulfid, 75g/t ksantogenatlar aralashmasi,12g/t ditiofosfat va 15g/t ko‘piq xosil qiluvchi reagent qo‘shiladi. Qo‘rg‘oshin flotatsiyasiga ditiofosfatni qo‘shish natijasida oksidlangan qo‘rg‘oshin mineralini ajratib olish foizini 8% ga oshirish mumkin. Qo‘rg‘oshin konsentratini sifatini oshirish va piritni cho‘ktirish uchun birinchi qo‘rg‘oshin tozalash jarayoniga natriy sianid tuzi ta’sir ettiriladi. Natijada qo‘rg‘oshinning miqdori tayyor konsentrat tarkibida 44-46 % ni tashktl etadi. Ajratib olish foizi esa 80-82 % ga teng. Uchinchi bosqichdagi nazoratli qo‘rg‘oshin chiqindisi barit flotatsiyasiga jo‘natiladi.

Bu jarayonga to‘plovchi reagent sifatida olein kislotasi (45g/t) va alkilsulfat (80g/t) aralashmasi qo‘shiladi. Puch tog‘ jinslari minerllari suyuq shisha yordamida cho‘ktiriladi. Tayyor barit konsetrati tarkibida 80-82 % barit bo‘lib, ajratib olish foizi 54-56 % .