Kompyuterlashgan loyihalash tizimlari

3. Texnologik sxema bayoni

Ma’lumki, sa’noatnin turli sohalarida xilma-xil xom ashyo va mahsulotlarni qayta ishlashda issiqlik almashinish jarayonlari va ularni amalga oshiruvchi qurilmalar juda keng miqyosda qo‘llaniladi. Jarayonlarni o’tkazish shartlari va qurilmalarni qo‘llash sohasiga qarab, issiqlik almashinish qurilmalarning tuzilishi turlicha bo‘ladi. Ishlash prinsipiga qarab issiqlik almashinish qurilmalari sirtiy (rekuperativ), regeneratov va aralashtiruvchi (gradirnya, skrubber, aralashtiruvchi kondensator va h.) qurilmalarga bo’linadi. Sirtiy issiqlik almashinish qurilmalarida issiqlik eltkichlar devor bilan ajratilgan bo‘lib, ularda bir muhitdan ikkinchisiga issiqlik ushbu devor orqali uzatiladi. Konstruksiyasiga ko‘ra sirtiy issiqlik almashinish qurilmalari qobiq - trubali, zmeyevikli, plastinali, spiralsimon, korrali, g‘ilofli, blok-grafitli va maxsus issiqlik almashinish qurilmalariga bo‘linadi. Regenerativ issiqlik almashinish qurilmalarida bir issiqlik almashinish yuzasi galma-gal issiq va sovuq eltkichlar bilan yuvilib turadi. Agar, issiqlik almashinish yuzasi issiq eltkich bilan yuvilib tursa, muhitning issiqlik hisobiga isiydi, sovuq eltkich bilan yuvilganda esa o‘z issiqlikni beradi. Shunday qilib, issiqlik almashinish yuzasi issiqlik eltkichning issiqligini yig‘ib oladi, so‘ng esa sovuq eltkichga beradi. Aralashtiruvchi issiqlik almashinish qurilmalarida ikkala eltkich bevosita o‘zaro aralashishi paytida issiqlik almashadi. Issiqlik almashinish turiga ko‘ra qurilmalar isitkich, bug‘latkich, sovutkich va kondensatorlarga ajratiladi