Kompyuterlar, Dasturiy Ta'minot

4. Web soft course labni qanday kamchiliklari bor?




Amaliy mashg’ulot №11
MAVZU:CAMTASIA STUDIO INSTRUMENTLAR ISHCHI PANELI BILAN TANISHISH
Ishdan maqsad: Camtasia studio instrumentlar ishchi paneli bilan tanishib chiqish. Uni amaliyotda qo’llash.
I. Nazariy ma’lumot

Aslida dastur ancha imkoniyatlarga ega, lekin men aynan dasturlashdan video-dars tayyorlash uchun kerak bo‘ladigan imkoniyatlari haqida bosqichma-bosqich
gapirib o‘taman.
1-rasm

I. Dasturni o‘rnatganingizdan so‘ng uni ochsangiz quyidagicha oyna chiqadi:

2-rasm

U yerdan qizil ramka ichidagi tugmalardan birortasini bossangiz oyna vaqtinchalik yopilib, o‘rniga ekraningizning o‘ng pastki qismida quyidagicha yangi

oyna paydo bo‘ladi:


3-rasm
Undagi qizil “rec” tugmasini bosishingiz bilan ekranda ingliz tilida “yozuvni to‘xtatish uchun F10 tugmasini bosing” yozuvi chiqib, undan keyin 3,2,1
raqamlari yozilib, yozuv boshlanadi. Yozuv davomida darsingizni reja asosida bajarib ketavering va buni tushuntirib boring (mikrofoningiz kompyuterda soz
holatda ekanligini ham tekshirib qo‘ying).

Yozib bo‘lsangiz F10’ni bosib, to‘xtatasiz. Shundan keyin birdaniga yozuvingiz natijasini dastur o‘z pleyerida ochib beradi. Chekkadagi “Save and Edit”

tugmasini bosib biror nom bilan nomlab saqlang.

II. Tahrirlash.

Keyingi qadamda sizda quyidagicha oyna hosil bo‘ladi:

4-rasm
Bu yerda:

1) Kompyuter ekranini tasvirga olish tugmasi;

2) Boshqa video / audiofayllarni import qilish (barcha formatdagi faylni tashlash mumkin);

3) Video tayyor bo‘lgach uni saqlash va bir vaqtning o‘zida youtube va boshqa internet videoportallariga ulashish (share);

4) Videopleyer;

5-11 lar qo‘shimcha effect beruvchi vkladkalar:

5) Foydalaniladigan mediafayllar;

6) Kutubxona. Foydalaniladigan qo‘shimcha titul videoeffektlar, turli belgilar va stillar jamlanmasi. Dasturni o‘rntaganingizda unda hech narsa bo‘lmaydi.
Chekkasidagi “Get more media” (“qo‘shimcha medialar ol”) tugmasi orqali saytdan ularni ko‘chirib o‘rnatishingiz mumkin;

7) Callouts (“paydo bo‘luvchi rasmlar”). Ular siz urg‘u bermoqchi bo‘lgan qismda chiqishi yoki rasmlarni hosil qilishda kerak bo‘lishi mumkin;

8) Ekranni kattalashtirish tugmasi;

9) Audio. Ovozni tahrir qilishda, pasaytirish / ko‘tarishda, qo‘shimcha ovoz qo‘shishda va tiniqlashtirishda qo‘llaniladi;

10) O‘tishlar (“transitions”). Bir kadrdan 2-siga o‘tishdagi effektlar jamlanmasi;

11) Boshqa effektlar. Bunda sichqoncha kursoriga qo‘shiladigan effektlar (cursor), mikrofon orqali yangi trek yozib qo‘shish (voice narration), veb-kamera

orqali video-darsga hikoya qiluvchining ko‘rinishini kiritish (record camera), yozuv qo‘shish (izoh yoki subtitr) (Captions), ko‘rinish bo‘yicha sozlashlar
(visual properties) va savol qo‘shish (quizzing — bu faqat ayrim videoformatlardagina ishlaydi) bor.

12) Video vaqtini boshqaruvchi ko‘rsatkich. Siz u orqali o‘zingiz xohlagan vaqtfagi vaziyatni o‘zgartirishingiz, qirqib 2 qismga bo‘lishingiz (yashil va

qizil tugmachalarini kerakli qismga olib borib, kerakli trekni tanlab, “s” klaviatura tugmasi) yoki o‘chirib tashlashingiz (yashil va qizil tugmachalarini
kerakli qismga olib borib, kerakli trekni tanlab sichqoncha o‘ng tugmasini bosib delete) mumkin;

13) Treklar oynasi, aynan shu bo‘limga istalgan video / audioni qo‘shishingiz, va barcha qo‘shgan effektlaringizning davomiyligini shu yerda

boshqarishingiz mumkin.

Shu maqolani tayyorlash davomida har bir ishni sinab ko‘rib Camtasia’ning ajoyib imkoniyatlarini yanada ko‘proq o‘zim uchun kashf etdim.

Bitta maslahat: dars tayyorlashda uning davomiyligi 15 daqiqadan oshmasligiga e’tibor bering, chunki psixologlar o‘rganishlaricha aynan shuncha vaqtdan
keyin inson miyasi boshqa narsalarga chalg‘iy boshlarkan.