«Kompyuterda loyihalash» va «Kompyuter grafikasi» fanlari arxitektura

Kirish
«Kompyuterda loyihalash» va «Kompyuter grafikasi» fanlari arxitektura,
dizayn, badiiy grafika yo‘nalishlarida ta’lim oluvchi talabalar uchun
mo‘ljallangan.
Informatsion texnologiyalarning hozirgi holati va tez rivoji mutaxassislardan
bajariladigan ishlarning turiga qarab, bir necha grafik dasturlarni bilishni va bir
dasturdan boshqa dasturga o‘tishni talab qiladi.
«Kompyuterda loyihalash» fanning dasturida AutoCAD, 3D studio MAX,
Fotoshop, Corel Draw grafik dasturlarini o‘zlashtirish mo‘ljallangan.
O‘quv qo ‘llanmada 3D studio MAX grafik dasturiga tegishli ma’lumotlar
keltirilgan. Mualliflar 3D studio MAX dasturining boshlang‘ich kursini ko‘p
yillik tajriba asosida qisqa va aniq yoritishni maqsad qilib olishgan. Keltirilgan
ma’lumotlar 3D studio MAX dasturini yetarli darajada o ‘zlashtirishga imkon
beradi va chuqur o ‘rganishga zamin yaratadi.

TANISHUV
Ishni dasturni yuklab, oddiy geometrik shakllarni qurish, ularning sirtlariga
materiallarni berish, yorug’lik va kameralardan foydalanish va oddiy
harakatlanuvchi roliklar yasashdan, boshlaymiz. Bu dars 3D Studio MAXning
asosiy imkoniyatlariga keng nazar tashlash va dasturni tushinish imkonini
beradi.
1. Dasturni yuklash uchun kursorni Windows sistemasining Start (Pusk)
piktogrammasi ustiga olib borib, sichqonning chap tugmasini bosamiz.
2. 3dsmax yorlig‘ini qidirib, topamiz va unga kursorni qo‘yib, sichqonning
chap tugmasini ikki marta bosamiz.
Bundan keyin sichqonni chap tugmasini qisqa qilib, shartli ravishda ChS deb
ataymiz.
Dastur yuklangandan keyin ekranda 3D MAX interfeysi paydo bo‘ladi.
Dasturning ish maydoni proyeksiyalar oynalariga bo‘linadi. Joriy holda ekranda
to‘rt proyeksiyalar oynasi joylashadi – Tor (tepadan ko‘rinish), Front (oldidan
ko‘rinish), Left (chapdan ko‘rinish) va markaziy proyeksiya oynasi Perspective
(Perspektiva). Bir vaqtning o‘zida oynalardan faqat bittasi faol bo‘lib, ya‘ni
qurish uchun ajraladi. Faol oynaning atrofi sariq rang bilan chegaralangan
bo‘ladi.