Kompyuter viruslari

Word, Excel va Postscripter interpretatorlarini ko‘rsatish mumkin. Ular ma’lumotlar faylini ochayotganda makrovirus bilan zararlanadi.
Ilgari faqat disklar virus bilan zararlanar edi. Chunki viruslar disklar orqali kompyuterdan kompyuterga o‘tar edi. Yangi BBS viruslari esa modem orqali tarqaladigan bo‘ldi. Internetning paydo bo‘lishi viruslarga qarshi kurashning an’anaviy usullari foyda bermaydigan yana bitta kanalning hosil bo‘lishiga olib keldi.
Viruslar bilan zararlanish ehtimoli kompyuterda yangi fayllar va ilovalarning paydo bo‘lish chastotasiga mos ravishda ortadi. Kompyuterdagi ma’lumotlarning ahamiyati qanchalik zarur bo‘lsa, virusga qarshi xavfsizlik choralari shunchalik yuqori bo‘lishi kerak. Bu narsalarga befarq bo‘lish nafaqat moddiy zarar ko‘rish, balki tashkilot yoki firmaning bundan keyingi faoliyati masalasini ham o‘rtaga qo‘yishi mumkin.
Shuni esdan chiqarmaslik kerakki, viruslar, odatda, foydalanuvchining biror amali (masalan, ilovalarni o‘rnarish, tarmoqdan fayllarni o‘qish, electron aloqani o‘qish va h.k.) natijasida paydo bo‘ladi. Shuning uchun ma’lumotlar kirish joyiga maxsus filtrlar, zararlangan fayl va dasturlarni yuklashni cheklovchi maxsus dasturlar o‘rnatilishi zarur. Bunday qurilmalardan biri Symantic korporatsiyasi maxsulidir (Toshkentda Nuron DC kompaniyasi uning partnyori hisoblanadi). Symantic bitta mashina o‘rniga butun korporativ tarmoqni kompleks himoyalash g‘oyasini ilgari suradi. Virusning korporativ tarmoqqa kirish nuqtasi istalgan nuqtada – brauzerdan to ishchi stansiyagacha bo‘lishi mumkin. Shuningf nazorat barcha bosqichlarda amalga oshiriladi. Virusga qarshi Symantic dasturiy ta’minoti Dynamic Document Revien korporatsiyasi texnologiyasida bajarilgan va E-mail viruslariga ham qarshi kurash olib boradi. Virusga qarshi dasturli ta’minot ishining alohida xususiyati shundaki, virusga qarshi dasturlar omborini o‘z vaqtida yangilab turish kerak.