Kompyuter va telefonlar haqida yangiliklar

Kompyuter va telefonlar haqida yangiliklar
Yaqindan tanishamiz
Avvaliga biz «Intel» oilasiga kiruvchi Core i3/i5/i7 protsessorlarining xarakteristikalariga alohida to‘xtalib o‘tamiz. Keyin esa ularning qaysi birini qanday holatda tanlash haqida fikr yuritamiz. Protsessorning qo‘shimcha parametrlari o‘z yo‘liga-yu, lekin uni tanlayotganda asosan quyidagilarga e’tibor qarating: Takt chastotasi, yadrolari soni, kesh xotirasi

Core i3 530/540 protsessorlari yetarlicha quvvatga ega hisoblanadi, eng muhimi – ular unchalik qimmat emas. Yuqoridagi jadvalda ko‘rdingizki, i3 ning ikkita modifikatsiyasi takt chastotasidagina farq qiladi. Narxida ham unchalik katta farq yo‘q. Agar puldan muammoingiz bo‘lmasa, i3 540 ni xarid qilavering.

Core i3 protsessori bitta oldingi avlod protsessori hisoblanmish Core 2 Duo ga to‘g‘ridan to‘g‘ri raqobat qila oladi. Core i3/i5/i7 protsessorlarining razyomlari Core 2 Duo yoki Dual Core protsessorlarining razyomlaridan farq qiladi. Ya’ni, «i» protsessorni tanlaydigan bo‘lsangiz, unga mos ravishda LGA1156 yoki LGA1366 razyomiga ega bo‘lgan ona plata xarid qilishingiz kerak bo‘ladi. Bu esa avvalgi prosessorlar tushadigan LGA 775 razyomli ona platalardan qimmatroq. Lekin i3 chipini va unga mos razyomga ega bo‘lgan ona platani xarid qilishingiz yaxshiroqdir. Chunki pulingiz ko‘payib qolsa, i3 ning o‘rniga i5 yoki i7 protsessorlarini almashtirishingiz mumkin, ularning razyomlari bir xil.
Core i5-600 seriyadagi protsessorlar yuqori tezlikka va quvvatga egaligi bilan ajralib turadi. Agar sizga protsessorga o‘rnatilgan grafik adapter kerak bo‘lmasa, i5 oilasiga mansub protsessorni xarid qilishning hojati yo‘q. Bu modeldagi protsessorlar ko‘proq korporativ bozorga mo‘ljallangan. Chunki ofisda ishlatiladigan kompyuterlar uchun kuchli grafika shart emas, ofis kompyuterlariga ko‘p ham tashqi videokarta qo‘yilavermaydi. Bunday kompyuterlardagi ofis ilovalarida ishlash uchun i5 protsessorlaridagi ichki grafik adaptor yetarli bo‘ladi. Umuman olganda, tizim blokining ichida qanchalik lash-lushlar kam bo‘lsa, uni ishlatish shunchalik oson bo‘ladi.
Agar siz uy uchun kompyuter yig‘idirayotgan bo‘lsangiz, Core i5-661 protsessorini tanlaganingiz narx va tezlik orasidagi nisbatan eng ideal tanlov bo‘ladi.

• 
  0
  
•