Kompyuter turlari haqida bilasizmi

Компьютер турлари

Компьютерлар 3 турга бўлинади:

· Столга қўйиладиган;
· Кўчма (ноутбук);
· Сервер.
Столга қўйиладиган компьютер офисларда, ишхоналарда иш столига ўрнатилади. Ўқув юртларида эса ўқув столларига жойланади (1.7-расм).
Кўчма компьютерлар кичкина бўлиб улар ишлаш ва намойиш учун ишда ва сафарларда фойдаланишга қулай (1.25-расм а).
Сервер тармоққа уланган ва ундан фойдаланувчиларга маълум хизматлар кўрсатувчи компьютер (1.25-расм б).
Компьютер ишини ва қурилмалар ишини махсус дастурлар амалга оширади. Бу дастурлар мутахассислар томонидан яратилади ва ишлашга жуда қулай. Улар компьютернинг дастурий таъминоти деб аталади. Дастурий таъминот уч турга бўлинади:
· Тизимли
· Амалий
· Ускунавий
Компьютер билан фойдаланувчи ўртасидаги мулоқотни операцион тизимлар бажаради. Ҳозирги кунда компьютерлар Windows 95, 98, 2000, 2003, 2008, ХР, Vista, Lunix, Unix, Os/2 ва бошқа операцион дастурлар асосида ишлайди.
Тизимли дастурий таъминотнинг асосий вазифаси асбоб - ускуна воситаларининг ишларини бошқариш, унинг имкониятларидан тўлиқ фойдаланишни, одамнинг компьютер билан диалог олиб боришини ва амалий дастурларни ишга туширишни бажаришдир. У компьютердан фойдаланувчиларни ва амалий дастурларни компьютер қурилмалари билан мулоқатда бўлишнинг қулай усуллари билан таъминлайди.
Амалий дастурий таъминот дастурлари компьютерларда амалий масалаларни ечишни таъминлайди. Ҳозирги пайтда ҳамма соҳаларда бундай амалий дастурлар жуда кўп, минглаб ҳисобланади. Уларни бажарадиган ишларига қараб қуйидаги гуруҳларга ажратиш мумкин:
- матн муҳаррирлари;
- нашриёт тизимлари;
- жадвал маълумотларни қайта ишлаш тизимлари;
- маълумотлар жамғармаларини бошқариш тизимлари.
Ускунавий дастурий таъминот жуда катта ҳажмдаги ахборотларни тез қайта ишлаб, керакли натижаларни ўз вақтида олиш мумкин. Мисол қилиб DBase, Fox Pro, Clepper, Paradox, Rbaseлар дастуларини келтириш мумкин.
Компьютер ҳақидаги бошланғич маълумотларни Сиз С.И.Раҳмонқулованинг «IВМ PC шахсий компьютерида иш лаш» китобидан [4] олишингиз мумкин.