Kompyuter tarmoqlari telekommunikatsiya texnologiyalari, 5 semestr

18, 19 -Маърузалар: Транспорт тармоқлари. Транспорт тармоқларида қўлланиладиган асосий технологиялар: PDH, SDH, SONET, DWDM.

Режа:
1. Плезиохрон рақамли иерархия (PDH). 

2. Халқаро, шаҳарлараро ва маҳаллий тармоқларда қoлланиладиган рақамли узатиш тизимлари. 
3. Плезиохрон рақамли иерархиянинг камчиликлари. 
Иқтисодий ривожланган давлатларда рақамли узатиш тизимларини жалб этиш 70-йиллардан бошланди.
Рақамли узатиш тизимларини қўллашдан аcосий мақсад телефон станциялари орасида кўп жуфтлик электр кабеллар аcосида боғловчи линиялар ҳосил қилишдан иборат. Чунки рақамли узатиш тизимлари аналог узатиш тизимларига қараганда шовқинга бардошли эди.
Рақамли узатиш тизимларида сигналларни узатиш учун импулс кодли модуляция (ИКМ) қўлланилади ва улар плезиахрон рақамли иерархия (PDH) тизимлари деб ном олган.
Импулс кодли модуляцияда аналог сигналлар олдин вақт бўйича дискретланади, сўнгра амплитуда бўйича квантланади ва амплитуданинг квантланган қийматлари иккилик код ёрдамида кодланади.
Телефон сигналининг максимал частота спектри 3,4 кГцни ташкил қилади, мувофиқли сигнални қайта тиклаш учун эса дискрет импулслар частотаси икки баробор катта, яъни дискретизация частотаси 8 кГц бўлиши керак.
Нутқ сифатини қониқтириш учун амплитуданинг 256=2⁸ дискрет сатҳлари етарли ва ушбу сатҳларнинг ҳар бири 8 бит ёки 1 байтга тенг бўлган кодлар комбинациясига алмаштирилади, шундай қилиб, стандарт телефон сигналини ИКМ усулида узатиш учун 8 бит 8 кГц=64 кбит/с тезлик керак бўлади. Тезликнинг ушбу қиймати барча рақамли иерархиялар учун Бошланғич (нолинчи) сатҳдир.
PDH иерархиясида рақамли тизимларнинг тузилиши қуйидаги талабларга жавоб бериши лозим:
-аналог ва дискрет сигналларни барча кўринишини узатишни таъминлаш;
-мавжуд бўлган ва келгусидаги алоқа линияларини характерис-тикаларини назарда тутган ҳолда узатиш тизимининг параметрларини танлаш;
-узатиладиган сигналларни оддий ҳолатда бирлаштириш, ажратиш ва транзит ҳосил қилиш имконияти.


PDH тармоғи