Kompyuter jixozlarini ekspluatatsiya qilishda zararli va xavfli faktorlar analizi

Kompyuter xonalariga qo‘yilgan talablar
Xona keng, meoyorida yoritilgan va havosi oson almashtiriladigan bo`lishi
kerak. Yorqin quyosh nurlari monitorga salbiy taosir etadi. Qorong`i xonada faqat
ish joyini yoritish ham maqsadga muvofiq emasdir. Stolni shunday joylashtiringki,
deraza oynasi qarshingizda bo`lmasin. Agar buning iloji bo`lmasa, u holda qalin
parda yoki jalyo`zi sotib oling, shunda derazadan tushayotgan yorug`lik sizga xalal
bermaydi. Agar oyna yon tomonda bo`lsa, yana parda yoki jalyo`zi joningizga oro
kiritadi. Chang va issiqliq salomatlikka putur yetkazibgina qolmay, texnikaga ham
yomon taosir o`tkazadi, shuning uchun xonaga konditsioner o`rnatgan ma`qul.

Xodimlar samarali faoliyat ko’rsatishi uchun sharoit yaratish va texnik

vositalarni ishlashi uchun xonalar yorug‘, toza, tovush va tebranishdan
izolyasiyalangan xolatda loyihalanadi, shkaf va devorlar tovush yutuvchi
plitkalar bilan qoplanishi maqsadga muvofiqdir.

Kompyuterni xonada to’g’ri joylashtirish va to’g’ri loyixalanib o’rnatilgan

yoritgichlar foydalanuvchini ko’rishini yaxshi ta’minlaydi, asab tizimiga
qo’shimcha zo’riqish bermaydi, operatorni normal ish faoliyatini ta’minlaydi, ish
jarayonidagi xatolarni keskin kamaytiradi. Kompyuterlarni alohida xonalarga 5-6
displeydan ortiq bo’lmagan xolda joylashtirish tavsiya qilinadi. Bu eng avvalo
mikroiqlimni yo’l qo’yilgan qiymatlari parametrlarini ta’minlashga imkon beradi.
Sanitar normalarga muvofiq bitta foydalanuvchi uchun 6 m2 maydon, xajmi 20 m3
dan kam bo’lmasligi kerak. Gigienik nuqtai nazardan kompyuterni shunday
joylashtirish keraki, ekrandan ko’zni ko’targanda, xonadagi eng uzoqda joylashgan
narsa ham ko’rinsin. Operatorning ish joyini kirish eshigiga yuzi qaragan xolda
joylashtirish eng samarali xisoblanadi. Eng uzoq masofaga nigoxni o’tkazish
imkoni - kompyuterda ishlaydigan ko’rish tezligining og’irligini kamaytirish eng
samarali usuli xisoblanadi. Ish joylarini kompyuterdan devorgacha bo’lgan masofa
1 m dan kam bo’lmagan xolda xonaning burchaklariga yoki devorga qaratib
joylashtirish, derazadan tushgan yorug’lik ko’z uchun ortiqcha zo’riqish
bo’lmasligiga yordam beradi. Shuning uchun ham kompyuterni derazaga qaratib
joylashtirmaslik darkor. Agar bir xonada bir necha kompyuterlar joylashgan
bo’lsa, elektromagnit nurlarning ta’sirini kamaytirish uchun bir manitor ekranidan
ikkinchisining orqa devorigacha masofa 2 m dan kambo’lmasligi, yon devorlari
orasi esa 1,2 m dan kam bo’lmasligi kerak.