Kompyuter injiniringi

D-триггер фақат битта ахборотли киришга эга. У мантиқий D сигнални эслаб қолиш учун мўлжалланган (delay-кечиктириш) бўлиб, у ўз ҳолатини синхроимпульс келгандагина ўзгартиради. Бундай триггерни синхрон RS-триггер ва мантиқий ЙЎҚ элементи билан улаб ҳосил қилинади (7.29-расм).

Бу схемада S киришига мантиқий D сигнал R-киришга инверсияланган сигнал берилади.

Икки тактли тригггерлар етакчи-етакланувчи схемалар асосида амалга оширилади. Бу МS-триггер деб аталади (master-уста, slave-ёрдамчи). Бундай триггернинг тузилиши ва шартли белгиси 7.30-расмда келтирилган. Бу схемада Т1 триггер –етакчи, Т2 триггер - етакланувчи ҳисобланади. Етакланувчи триггер етакчи триггер ҳолатини эслаб қолиш учун хизмат қилади. Синхронлаштирувчи импульслар Т1 ва Т2 ларга қарама-қарши фазада берилганидан, Т2 триггер ҳолатининг алмашиниши Т1 триггер ҳолати алмашинишига нисбатан бироз кечикиб рўй беради. Икки поғонали триггерлардан DV, JK ва Т триггерлар кœп тарқалган DV-триггер ҳам, D-триггер каби, мантииқй сигнални кечиктириш, яъни эслаб қолиш учун ишлатилади. DV-триггер V рухсат этилган киришга эга бўлиб, V=1 бўлгандагина D кириш бўйича бошқарилади. Ман қилинган V=0 сигналда D киришда сигнал берилишидан қатъи назар триггер ўз ҳолатини сақлайди. DV-триггернинг тузилиши ва шартли белгиси 7.31-расмда келтирилган.





IK-триггер RS-триггер каби иккита I-1 ни ўрганиш ва К-1 ни ташлаб юбориш ёки 0 ни ўрнатиш мантииқй киришга эга. RS-триггерида I=K=1 бўлган сигнал берилганда ҳосил бўладиган ноаниқлик IK-триггерида бартараф қилинган. ҲАМ-ЙЎҚ мантиқий элементларидан ташкил топган IK-триггер схемаси ва шартли белгиси 7.32-расмда келтирилган. Бундай триггер иккита синхронлашган RS-триггеридан иборат бўлиб, етакчи-етакланувчи схемаси бўйича уланган Т1 триггер киришига учта киришли ҲАМ- ЙЎҚ элементлари уланган. Бу киришларнинг биринчисига, синхронлаштирувчи импуьлслар, иккинчисига-бошқарувчи I ва K сигналлар берилган. Учинчи кириш бошқарувчи тескари боғланиш ҳосил қилиш учун хизмат қилади.

Агарда I=K=1 бўлса, ҳар иккала ВА-ЙЎҚ кириш элементлари очиқ қолади ва навбатдаги синхроимпульс, 1 сигнали триггер чиқишидан киришига берилган ВА-ЙЎҚ элементи орқали ўтади.

Т-триггер (toggle-алмашиб-улагич), асосан сигнал частотасини бўлиб берувчи ва ҳисобловчи сифатида ишлатилади. Унинг схемаси ва шартли белгиси 7.33-расмда келтирилган. Т-триггерга ҳам бир синхроимпульс берилганида ўз ҳолатини тескарисига ўзгартиради. Шу сабали инверсия белгиси С билан белгиланади.