Компьютернинг дастурий таъминоти

ESCAPE (ESC) – бекор қилиш тугмаси (воз кечиш); масалан бирор нарсани ўчиришга команда бериб қўйиб ундан воз кечмоқчи ESCAPE (ESC) тугмачасини боссак бажарилаётган амалдан воз кечилади.
CAPS LOCK – клавиатура регистрлари орасидаги узоқ вақтли ўтказишларини бошқаради. Яъни агар CAPS LOCK тугмачаси ёниқ турса (унинг ёниқлигини клавиатуранинг ўнг юқори қисмида жойлашган 3 та чироқчадан ўртадагиси) фақат бош ҳарфларда ёзилади. Аксинча бўлса кичик ҳарфларда ёзилади.
SHIFT – тугмачаси регистрлар орасидаги қисқа вақтли ўтказишларни бошқаради. Яъни SHIFT тугмачасини босиб туриб бирор бир тугмачани боссак фақат ўша ҳарфни ўзи бош ҳарфда ёзилади. Бу тугмачадан гап бошида, атоқли отларни ёшишда фойдаланилади. Бундан ташқари SHIFT тугмачаси юқори регистрда жойлашган белгиларни ёзишда қўлланилади.
CTRL, ALT – махсус бошқарув тугмаси, улар одатда бошқа тугмалар билан биргаликда турли хил буйруқларни бажариш учун фойдаланилади. Келгуси дарсларимизда мукаммалроқ танишиб чиқамиз.
NUM LOCK – клавиатура алохида қисмини (калкулятор қисм) рақамлар ва стрелкалар ёрдамида бошқаради.
Булардан ташқари POWER, SLEEP, WAKE UP каби махсус бошқарув тугмачали ҳам мавжуд бўлиб булар компьютерни ўчириш, уйқу ҳолатига кетгазиш каби вазифаларни бажаради.
Тахрир қилиш тугмалари:
DELETE – курсорнинг ўнг томонидаги битта белгини йўқотиш, ихтиёрий танланган файл ёки каталогни ўчириш;
BACKSPASE – курсорнинг чап томонидаги битта белгини ўчириш; Internet explorer, мой компьютер иловаларида ишлаганда бир қадам юқорига қайтиш вазифасини ҳам бажаради.
INSERT – белгилаш, ажратиш, файлларни тўпламга қўшиш;
HOME – курсорни сатр бошига келтириш;
END – курсорни сатр охирига келтириш;
PAGE UP – курсорни сахифанинг юқори қисмига келтириш;
PAGE DOWN – курсорни сахифанинг пастки қисмига келтириш;
Tab – ойнадан ойнага сакраш, абзац ташлаш;
Стрелкалар, юқорига, пастга, чап ва ўнг томонга - бу тугмалар экрандаги белгини (курсорни) бошқариш учун хизмат қилади.
Булардан ташқари номсиз (пробель) тугмачаси ҳам бўлиб у клавиатуранинг пастки қисмида жойлашган ва бўш жой ташлаш учун хизмат қилади.