Компьютер графикасининг турлари

Компьютерда тасвир, формат ва кўриниш

50-йилларда катта ЭҲМ ли компьютерларда мониторга графика ва шаклларни бера бошланган. Шундан бошлаб информатиканинг махсус бўлими компьютер графикаси фани пайдо бўлди. Бу фан дастурий аппаратли комплекслар ёрдамида тасвирларни хосил қилиш, қайта ишлаш усулларини ўрганади. У тасвирларнинг барча кўринишлари ҳамда экранда ҳосил бўладиган ҳар хил форма (шакл)ларни ўз ичига олади.

Компьютер графикаси турлари

График тасвирларни хосил қилиш бўйича уч турга ажратиш мумкин:

Растрли графика
Векторли графика
Фрактал графика

Нуқтали, растрли графика

• Растрли (нуқтали) Растр - (ингл. raster) графикада тасвирлар нуқталардан ҳосил қилинади. Шунинг учун унинг асосий тушунчаси – “рухсат” (бир бирлик узунликка тўғри келадиган нуқталар сони) деб тушунилади.

Растрли графика

Пикселга ўхшаш майда элементлардан иборат мозайкалар бирикмасидан тасвир хосил бўлади.
Растрли графика муҳаррири: MS Paint, Adobe Photoshop.

Афзалликлари

• Дастурларда ишлаш оддийроқ
• Ихтиёрий тасвирларни қайта ишлаш имконияти мавжудлиги
• График редакторларнинг кўплиги

Камчиликлари

• Масштаб ўзгартирилганда ўзгариши: катталаштирилганда – эффект пикселизацияланади, кичиклаштирилганда – айрим деталлар кўринмай қолиши.
• Тасвир катталашган сари файл хажми катталашиши, шунинг учун график файлларни архивлаш зарурлиги.

ВЕКТОРЛИ ГРАФИКА

Растрли графикада тасвир элементи сифатида нуқта (пиксел) олинса, векторли графикада ҳам чизиқ тушунчаси мавжуд, аммо унда чизиқ кетма-кет жойлашган нуқталар йиғиндиси ҳисобланади. Растрли графикада чизиқ узунлиги қанча катта бўлса ундаги нуқталар сони ҳамда файл ҳажми катталашади. Векторли графикада эса чизиқ катталиги (узунлиги) файл ҳажмига таъсир этмайди, чунки векторли графикада чизиқ ҳар қандай объект каби ўз хоссасига эга ва бу хоссалар компьютер хотирасида сақланади.