Компьютер графикаси

Nazorat savollari:

1. 
   OpenGL da qanday koordinatalar sistemasi ishlatiladi?
   
2. 
   OpenGL da matritsali o‘zgartirish ko‘rinishlarini keltiring?
   
3. 
   OpenGL da obyektlar qanday qilib o‘zgartiriladi?
   
4. 
   OpenGL da proeksiyalar qanday tayinlanadi?
   
5. 
   Matritsali stek deganda nimani tushunasiz?
   
6. 
   OpenGL da kuzatuvchi holatini o‘zgartirish usullarini keltiring?
   
7. 
   glTranslate(), glRotate() va glScale() buyruqlarini chaqirishning qanday ketma-ketligi gluLookAt(0, 0, -10, 10, 0, 0, 0, -1, 0) buyrug‘iga mos keladi?
   
8. 
   Proeksiyalarni tayinlash uchun qanday standart buyruqlarni bilasiz?
   

Tayanch iboralar: Koordinalar sistemasi, matritsalar ustida amallar, modelli-tasvir, proeksiyalash matritsasi, teksturalash matritsasi, proeksiyalash, chiqarish sohasi.

3.5. Materiallar va yorug‘lik

Haqiqiy tasvirlarni hosil qilish uchun obyektning xossalarini hamda u joylashgan muhit xossalarini ham aniqlash zarur. Xossalarning birinchi guruhi obyekt yasalgan materialning parametrlari, uning yuzasiga teksturani qo‘yish usullari, obyektning shaffoflik darajasini o‘z ichiga oladi. Ikkinchi guruhga yorug‘lik manbalarining soni va xususiyatlarini, muhitning shaffoflik darajasini hamda yoritish modelini kiritish mumkin. Bu xossalarning barchasini OpenGL ning mos buyruqlarini chaqirgan holda tayinlash mumkin.

Yorug‘lik modeli.
OpenGL da yoritish modeli ishlatiladi va unga muvofiq nuqta rangi bir necha faktorlar bilan belgilanadi: material va tekstura xossalari, shu nuqtadagi normal kattaligi hamda yorug‘lik manbai va kuzatuvchi holati bilan. Nuqtadagi yorug‘likni aniq hisoblash uchun birlik normallardan foydalanish kerak, lekin glScale*() turidagi buyruqlar normallar uzunligini o‘zgartirishi mumkin.
Yorug‘likning global parametrlarini berish uchun
void glLightModel [i f] (GLenum pname, GLenum param)
void glLightModel[i f]v (GLenum pname, const GLtype *params)
buyruqlaridan foydalaniladi.


pname argumenti yorug‘lik modelining qaysi parametri sozlanishini va quyidagi qiymatlarni qabul qilishi mumkinligini belgilaydi: