Компьютер графикаси

Bu effektni qo‘llashga misol keltiramiz:
GLfloat FogColor[4]={0.5,0.5,0.5,1};
glEnable(GL_FOG);
glFogi(GL_FOG_MODE,GL_LINEAR);
glFogf(GL_FOG_START,20.0);
glFogf(GL_FOG_END,100.0);
glFogfv(GL_FOG_COLOR,FogColor);


Nazorat savollari:

1. 
   Yorug‘likning lokal va cheksiz uzoqlashgan manbalari o‘rtasidagi farqni tushuntiring?
   
2. 
   glColorMaterial buyrug‘i nima uchun xizmat qiladi?
   
3. 
   Yorug‘lik manbasi har doim kuzatuvchi holati nuqtasida bo‘lishi uchun uning holati qanday o‘rnatiladi?
   
4. 
   Yorug‘lik manbasining fiksirlangan holati qanday o‘rnatiladi?
   
5. 
   Obyektning lokal koordinatalariga nisbatan manba holatini o‘rnatish mumkinmi?
   
6. 
   Yorug‘likning konusli manbasi qanday beriladi?
   
7. 
   Yorug‘lik manbai holati kuzatuvchi holatiga nisbatan qanday aniqlanadi?
   
8. 
   Agar sahna yoritilgan bo‘lib, ammo yorug‘lik manbai yo‘q bo‘lsa, unda obyektlar qanday rangga ega bo‘ladi?
   

Tayanch iboralar: Yorug‘lik modeli, material, yorug‘lik manbalari, yorug‘lik intensivligi, diffuziyali yoritilish, ko‘zguli akslanish, tuman effekti.

3.6. Teksturalash

Tekstura so‘zi deganda obyektga ma’lum bir usulda qo‘yish kerak bo‘lgan qandaydir tasvir tushuniladi.
Sahna obyektlari yuzasiga tekstura qo‘yilganda uning haqqoniyligi oshadi, lekin shuni ham hisobga olish lozimki, bu jarayon ortiqcha hisob-kitobni talab qiladi.
Tekstura bilan ishlash uchun quyidagi harakatlar ketma-ketligini amalga oshirish kerak:

1. 
   Tasvirni tanlash va uni kerakli formatga keltirish;
   
2. 
   Tasvirni OpenGL ga uzatish;
   
3. 
   Tekstura obyektga qanday qo‘yilishini va u bilan qanday munosabatda bo‘lishini aniqlab olish;
   
4. 
   Teksturani obyekt bilan bog‘lash.