Компьютер графикаси

Nazorat savollari:

1. 
   Teskari chaqiruv funksiyasi nima va OpenGL bilan ishlash uchun teskari chaqiruv funksiyasidan qanday foydalanish mumkin?
   
2. 
   Tasvirlarni yangilash funksiyasi nima uchun kerak va qanday ish bajaradi?
   
3. 
   OpenGL da primitiv degani nima?
   
4. 
   Atribut nima? OpenGL da sizga ma’lum bo‘lgan uchlar atributlarini keltiring?
   
5. 
   OpenGL dagi atomar primitiv deb nima aytiladi? Qanday turdagi primitivlarni bilasiz?
   
6. 
   glEnable/glDisable buyruqlari OpenGL da nima uchun ishlatiladi?
   
7. 
   Operatorli qavslar nima va ular OpenGL da qanday maqsadda ishlatiladi?
   
8. 
   Displey ro‘yxatlari nima? Ro‘yxatni qaydan belgilash va uni tasvirlashga qanday chaqirish mumkin?
   
9. 
   Massivlar bilan ishlashni tushuntirib bering va displey ro‘yxatlaridan farqlanishini ayting?
   
10. 
    glDrawElements () buyrug‘ining ishlashini tushuntiring?
    

Tayanch iboralar: Tasvirni yangilash, virtual kamera, buferni tozalash, kuzatuvchini holati, geometrik obyektlar chizish, uchlarning fazodagi holati, uchlar rangi, uchlar massivlari, primitivlar.

3.4. Obyektlarni o‘zgartirish

OpenGL da asosan uchta koordinalar sistemasidan foydalaniladi: chap tomonlama, o‘ng tomonlama va oynali. Birinchi ikkita sistema uch o‘lchovli hisoblanadi va bir-biridan z o‘qining yo‘nalishi bilan farqlanadi: o‘ng tomonlamada u kuzatuvchiga yo‘naltiriladi, chap tomonlamada esa ekran orqasiga yo‘naltiriladi. x o‘qi kuzatuvchiga nisbatan o‘ng tomonga, y o‘qi yuqoriga yo‘naladi.

Chap tomonli sistema gluPerspective(), glOrtho() buyruqlari parametrlari qiymatlarini berish uchun ishlatiladi. O‘ng tomonli koordinatalar sistemasi qolgan barcha holatlar uchun ishlatiladi. Uch o‘lchovli axborotlarni tasvirlash ikki o‘lchovli oynali koordinatalar sistemasida olib boriladi.




3.4-rasm. OpenGL da koordinatalar sistemasi.

Shuni alohida ta’kidlash lozimki, OpenGL matritsalar bilan murakkab hisoblashlarni olib borish yo‘lida o‘ng va chap koordinatalar sistemasini modellashtirish imkonini beradi. OpenGL ning asosiy koordinatalar sistemasi o‘ng tomonlama sistema hisoblanadi.