Компьютер графикаси

Nazorat savollari:

1. 
   OpenGL kutubxonasini yaratishdan ko‘zlangan maqsad nima?
   
2. 
   OpenGL kutubxonasi asoschisi?
   
3. 
   Kutubxonada mavjud buyruqlar soni va ular qanday vazifalarni bajaradi?
   
4. 
   OpenGL kutubxonasining o‘ziga xos jihatlarini keltiring?
   
5. 
   OpenGL kutubxonasidan qanday operatsion tizimlarda foydalanish mumkin?
   
6. 
   Turli qurilmalar bilan ishlash qanday tashkillashtirilgan?
   

Tayanch iboralar: OpenGL, kutubxona, barqarorlik, ishonchlilik va uzatuvchanlik, qo‘llashning osonligi, moslashish.

3.2. OpenGL asoslari

Asosiy imkoniyatlar

OpenGL imkoniyatlarini biz uning kutubxonasidagi funksiyalar orqali ta’riflaymiz. Barcha funksiyalarni beshta toifaga ajratish mumkin:

• 
  Primitivlarni tavsiflash funksiyasi grafik nimtizimni aks ettirishga qodir bo‘lgan, ierarxiyaning quyi darajasidagi obyektlarni belgilaydi. OpenGLda primitivlar sifatida nuqta, chiziq, ko‘pburchak va boshqalar nazarga tutiladi.
  
• 
  Ranglar manbasini tavsiflash funksiyasi uch o‘lchovli sahnada joylashgan, ranglar manbasi parametri va holatini tavsiflash uchun xizmat qiladi.
  
• 
  Atributlarni tayinlash funksiyasi. Atributlarni tayinlash yordamida dasturchi aks etadigan obyekt ekranda qanday ko‘rinishga kelishini belgilaydi. Boshqacha so‘z bilan aytganda, agar ekranda nima hosil bo‘lishi primitivlar yordamida belgilansa, unda atributlar ekranga chiqarish usulini belgilaydi. Atributlar sifatida OpenGL rang, material xususiyati, tekstura, yorug‘lik parametrlarini berish imkonini beradi.
  
• 
  Vizuallashtirish funksiyasi virtual fazoda kuzatuvchi (kamera obyektivi parametri) holatini belgilash imkonini beradi. Ushbu parametrlarni bilish, tizim nafaqat tasvirni to‘g‘ri qurishi, balki kuzatuv maydonidan tashqari bo‘lgan obyektlarni ajratib qo‘yishi ham mumkin.
  
• 
  Geometrik o‘zgartirish funksiyalari to‘plami dasturchiga obyektlarni turli xil o‘zgartirish – burish, ko‘chirish, masshtablashtirishni bajarish imkonini beradi.
  

Shunday ekan OpenGL qo‘shimcha operatsiyalarni ham bajara olishi mumkin, masalan, chiziqlar va sirtlarni qurishda splaynlardan foydalanish, tasvirning ko‘rinmas qismlarini olib tashlash, piksellar darajasidagi tasvirlar bilan ishlash va b.