Компьютер графикаси

Nazorat savollari:

1. 
   Rastr grafikasida bog‘lanishlik tushunchasini izohlang?
   
2. 
   Bog‘lanishlik qanday turlarga bo‘linadi va ularning farqi?
   
3. 
   Brezenxeym algoritmini misollar orqali tushunturing?
   
4. 
   Kesmaning rastr tasvirini misol keltiring?
   
5. 
   Sohani bo‘yash usullarini misollar orqali berilishini tavsiflang?
   
6. 
   Komp’yuter grafikasida soha necha hil usulda beriladi?
   
7. 
   Kesmani kesilishi. Sazerland-Koxen algoritmi tavsiflang?
   
8. 
   Kesmani kesilishiga oid misollar keltiring?
   

Tayanch iboralar: To‘rt bog‘lanishlik, sakkiz bog‘lanishlik, kesmaning rastr tasviri, sohani bo‘yash, kesmaning kesilishi.

2.5. Ko‘rinmas chiziq va sirtlarni olib tashlash

Biror bir uch o‘lchovli obyektni ikki o‘lchovli tekislikda (kompyuter ekranida) qurish uchun avvalo uni qaysi qismlari ko‘rinarli, qaysi qismlari ko‘rinmas, ya’ni obyektning boshqa yoqlari bilan yopiqligini aniqlash kerak. Proeksiyalashda markaziy yoki paralel proeksiyalash ishlatiladi [4, 13].

Proeksiyalashda proektorlar obyektning har bir nuqtasidan o‘tadi. Proeksiyalash yo‘nalishi bo‘yicha tasvir tekisligiga yaqinroq masofadagi nuqtalar ko‘rinadigan hisoblanadi.
Sodda ko‘ringanligiga qaramay ushbu masalani echish ancha qiyinchiliklarga va ayrim hollarda biroz hisob kitoblarga olib keladi. Ushbu masalani echishda kompyuter grafikasida ikkita asosiy yondashuv mavjud:

1. 
   Proeksiyalash yo‘nalishi bo‘yicha tasvir tekisligiga yaqinroq masofada joylashgan obyektning nuqtalarini aniqlash. Bunda displeyning rastr xossalaridan foydalaniladi.
   
2. 
   Obyektlarni yoki obyekt qismlarini o‘zaro taqqoslab obyektlarni yoki obyekt qismlarini ko‘rinarliligini aniqlash.
   

Bu ikki yondashuvni o‘zaro ichiga oluvchi algoritmlar ham mavjud.