Kompetensiyalar

7.XII.2017.
VI”A”, “B”
TARIX
26-dars
Darsning mavzusi: Takrorlash
Darsning maqsadi:
Ta’limiy: O`quvchilarning 21-25 mavzular bo’yicha olgan bilimlarini mustahkamlash, tushunchalarini
umumlashtirish,
Tarbiyaviy: Davlatlar, xalqlar sivilizatsiyalarini o`zaro taqqoslash orqali vatanparvarlik tuyg`usi, o`z xalqi o`tmishi bilan faxr tuyg`usi paydo bo`ladi
Rivojlantiruvchi: Guruhlarda ishlash ko`nikmasi, tarixiy tafakkuri, xotirasi rivojlanadi.
Kompetensiyalar: O‘zini o‘zi rivojlantirish kompetensiyasi, Milliy va umummadaniy kompetensiyasini,
Matematik savodxonlik, fan va texnika yangiliklaridan xabardor bo‘lish hamda foydalanish kompetensiyasi, Tarixiy voqelikni tushunish va uni mantiqiy izchillikda tushuntira olish kompetensiyasini shakllantirish.
Dars turi: mustahkamlash
Dars uslubi: og`zaki, yozma
Dars usuli: “Guruhlar ishi”, test, “Marra tomon olg`a”, “Yaxshidan bog` qoladi”, musobaqa,
savol-javob
Dars jihozi: darslik, xarita, o`tilgan mavzularga oid rasmlar, savol va topshiriqlar yozilgan kartotekalar
Darsning texnologik xaritasi:
I.Tashkiliy qism 6 daqiqa
II. Uy vazifasini tekshirish 12 daqiqa
III.Guruhlar ishi 12 daqiqa
IV.Guruhlar taqdimoti 10 daqiqa
V.O’quvchilarni baholash 3 daqiqa
VI.Uyga vazifa berish 2 daqiqa
Darsning borishi:
I.Tashkiliy qism:
O`quvchilar bilan salomlashish, davomadni aniqlash, darsga jalb qilish, sinfda ishchi muhitini yaratish, dunyoda va O`zbekistonda yuz bergan muhim yangiliklardan qisqacha xabarlar berish.
Dars musobaqa tarzida olib boriladi. Sinf o`quvchilari guruhlarga ajratiladi, guruhlarga nom berilsa va ular o`z nomini izohlasa maqsadga muvofiq bo`ladi. Masalan:1-guruh – “Doro I”, 2-guruh – “Chandragupta”, 3-guruh – “Sin Shixuandi”
Guruhlarni baholashda “Yaxshidan bog` qoladi” usulidan foydalaniladi. Bunda har bir guruhga varaq beriladi, to`gri javobga bitta daraxt rasmi beriladi, rasm varaqqa yelimlab boriladi. Yaxshi ishtirok
etgan guruh varag`i daraxtzor bog`ga aylanadi.