Коммуникациялари техникуми оптик алоқа тизимлари

Абонент кириш тармоғининг тузилиши

Аналог ШТТ учун типик ҳисобланган абонент тармоғининг тузилиши 15.2-расмда келтирилган. Абонент комплекти (АК) ва телефон аппарати (ТА)

15.2-расм. Коммутацияланадиган станциялар абонент тармоғининг структураси.

орасида боғланиш, бошқача айтганда абонент линияси (АЛ), станцион, магистрал, тақсимлаш участкалари ва абонент сими орқали амалга оширилади. Бу участкаларнинг узунликлари турлича бўлиши мумкин.
Абонент линиясининг хамма участкаларининг, станцион участкасини истисно қилганда, узунликлари истиқболли абонент кириш тармоқларини режалаштиришда амалий қизиқиш уйғотади.
Абонент линиясини бошқача талқин этиш мумкин:

• 
  охирги миля (кроссдан уйгача масофа);
  
• 
  охирги ярд (уй чегарасидаги ажратиш);
  
• 
  охирги фут (хонадондаги ажратиш).
  

Мис симли абонент кириш тармоқларининг қуйидаги камчиликларини кўрсатиш мумкин:
- абонент кириш тармоқларида ахборот алмашиниш ишончлилиги ва сифати кўрсатгичларининг пастлиги ўзига хосдир;
- абонент кириш тармоқларининг фойдали иш коэффициенти жуда камлиги (ўтказилаётган трафик интенсивлиги) техник воситалардан фойдаланиш самарасининг пастлигига олиб келади.
Мис симли абонент кириш тармоқларининг юқорида кўрилган камчиликлари, улардан фойдаланишдаги муаммоларни хал этиш учун абонент кириш тармоқларини модернизациялаш заруратини туғдирди.
Кейинги йилларда инфокоммуникацион тизимнинг хеч бир элементи абонент кириш тармоғи каби сезиларли ўзгаришларга дучор бўлмади. Абонент линияларини модернизациялаш, ўтказиш полосасини кенгайтиришнинг энг оптимал усули – хамма физик занжирларни оптик толали кабелларга алмаштиришдир. Бу абонент кириш тармоғидаги муаммоларни ҳал этиш имконини беради ҳамда абонент линияларининг узоқ муддатли эволюциясини таъминлайди.
Кенг полосали оптик кириш тармоқларини тузишда FTTx ва PON оптик технологиялари қўлланилмоқда.
Абонент линияларини оптиклаштириш жуда катта ўтказиш оралиғини таъминлайди ва нафақат барча телекоммуникация хизматларини, балки телевидение, маълумотлар узатиш, мультимедиа дастурларини узатиш имкониятини беради. Нарх кўрсаткичлари ҳам анчагина яхши – оптик кабеллар нархи кундан-кунга пасайиб бормоқда. Оптик абонент линиялари амалий жиҳатдан хизмат кўрсатишга муҳтож эмас ва етарли даражада кўп ишлайди.