Ko’lyozma huquqida

2.2 “DAVR BANK” XATBda yangi bank xizmatlari va maxsulotlarini 
ishlab chiqish va amaliyotga tadbiq etish muhitning tahlili
 
«DAVR BANK» xususiy aksiyadorlik banki o‘zining o’n yetti yillik 
faoliyati mobaynida mamlakatimizda amalga oshirilayotgan izchil iqtisodiy 
islohotlar jarayonidagi faol ishtiroki natijasida bugungi kunga kelib mahalliy 
bank xizmatlari bozorida yuqori ish faolligi, adekvat kapitallashuv hamda 
daromadliligi yuqori darajaga ega muassasalar qatorida e’tirof etilmoqda. 
«DAVR BANK O‘zbekiston moliya-bank tizimida barqaror hamda jami 
aktivlari, depozit portfeli, investitsiya portfeli va kapitallashuv bazasi 
ko‘rsatkichlari bo‘yicha doimiy ravishda bozor mavqeini mustahkamlab 
borayotgan banklardan biridir. 
«DAVR BANK» zamon bilan ham nafas ish yuritib, o‘tgan yillar 
davomida professional jamoa, mijozlar va hamkorlarning bankka bo‘lgan 

---

43 
ishonchi, zamonaviy bank texnologiyalari, samarali tavakkalchilik menejmenti 
tizimi, xizmat ko‘rsatishning yuqori sifat darajasiga asoslangan barqaror biznes 
faoliyatini yo‘lga qo‘ydi. Bunda ayniqsa, 2012 yilda qabul qilingan O‘zbekiston 
Respublikasining «Xususiy bank va moliya institutlari hamda ular faoliyatining 
kafolatlari to‘g‘risida»gi Qonuni bank faoliyati rivojining yangi bosqichi uchun 
mustahkam huquqiy asos bo‘ldi. 
Bugungi kunda bankni poytaxtimizning Shayxontohur, Chilonzor, 
Yakkasaroy, Mirzo Ulug‘bek, Yunusobod, Olmazor va Uchtepa tumanlarida 
joylashgan jami 7 ta filiali va 2 ta mini-banki orqali sifatli bank xizmatlari 
ko‘rsatilmoqda. Bank bo‘linmalarida barcha turdagi zamonaviy bank 
xizmatlarining yo‘lga qo‘yilishi va mijozlarga ko‘rsatilayotgan xizmatlar 
sifatiga alohida e’tibor qaratilishi natijasida «DAVR BANK» mijozlari (yuridik 
shaxslar) soni 17 mingdan oshdi. Ular orasida respublikamizdagi yirik ishlab 
chiqarish kompaniyalari va aksiyadorlik jamiyatlarining borligi e’tiborga 
molikdir. 
4-jadval