Кодексини тасдиқлаш тўҒрисида id-29646 модда. Ўзбекистон Республикасининг Жиноят кодекси тасдиқлансин

МАХСУС ҚИСМ
БИРИНЧИ БЎЛИМ. ШАХСГА ҚАРШИ ЖИНОЯТЛАР
I боб. Ҳаётга қарши жиноятлар
118-
модда.
 
Қасддан одам ўлдириш
Қасддан одам ўлдириш, –
ўн йилдан ўн беш йилгача озодликдан маҳрум қилиш билан жазоланади.
Жавобгарликни оғирлаштирадиган ҳолатларда қасддан одам ўлдириш, яъни:
1) икки ёки ундан ортиқ шахсни;
2) ҳомиладорлиги айбдорга аён бўлган аёлни;
3) айбдорга аён бўлган ожиз аҳволдаги шахсни;
4) айбдорга аён бўлган вояга етмаган шахсни ёки ўзининг яқин қариндошини;
5) ўз хизмат ёки фуқаролик бурчини бажариши муносабати билан шахсни ёки унинг яқин 
қариндошларини;
6) бошқа шахсларнинг ҳаёти учун хавфли бўлган усулда;
7) оммавий тартибсизликлар жараёнида;
8) ўта шафқатсизлик билан;
9) номусга тегиш ёки жинсий эҳтиёжни зўрлик ишлатиб ғайритабиий усулда қондириш 
билан боғлиқ ҳолда;
10) одамни ўғирлаган ёки гаровга олган ҳолда;
11) ўқ отар қуролни қўллаган ҳолда;
12) тамагирлик ниятида ёки ёлланган ҳолда;
13) нафрат ёки адоват замирида;
14) безорилик оқибатида;
15) киши аъзоларини кесиб олиб, бошқа кишига кўчириш (трансплантат) ёхуд унинг 
органи ёки тўқималаридан фойдаланиш мақсадида;
16) бошқа бирор жиноятни яшириш ёки унинг содир этилишини осонлаштириш 
мақсадида;
17) бир гуруҳ шахслар ёки уюшган гуруҳ аъзоси томонидан ёхуд ўша гуруҳ 
манфаатларини кўзлаган ҳолда;
18) ўта хавфли рецидивист томонидан қасддан одам ўлдирилиши —
ўн беш йилдан йигирма беш йилгача озодликдан маҳрум қилиш ёки умрбод озодликдан 
маҳрум қилиш жазоси билан жазоланади.
119-
модда.
 
Кучли руҳий ҳаяжонланиш ҳолатида қасддан одам ўлдириш
Жабрланувчи томонидан қилинган ғайриқонуний зўрлик, таҳқирлаш ёки оғир ҳақорат, 
шунингдек унинг бошқа ғайриқонуний ҳаракатлари (ҳаракатсизлиги) ёки ахлоққа зид хулқ
-
атвори туфайли тўсатдан юз берган ёки шундай ҳаракатлар натижасида узоқ давом этган ақли 

---

расоликни истисно этмайдиган руҳий бузилиш оқибатида кучли руҳий ҳаяжонланиш ҳолатида 
қасддан одам ўлдириш —
уч йилдан беш йилгача озодликни чеклаш ёхуд уч йилдан беш йилгача озодликдан 
маҳрум қилиш билан жазоланади.
Ушбу модданинг биринчи қисмида назарда тутилган ҳаракатлар икки ва ундан ортиқ 
шахсга нисбатан содир этилган бўлса –
беш йилдан етти йилгача озодликдан маҳрум қилиш билан жазоланади.