Кодексини тасдиқлаш тўҒрисида id-29646 модда. Ўзбекистон Республикасининг Жиноят кодекси тасдиқлансин

63-
модда.
 
Жазони оғирлаштирувчи ҳолатлар
Қуйидаги ҳолатларда жиноят содир этиш жазони оғирлаштирувчи ҳолатлар деб 
топилади:
1) 
ҳомиладорлиги айбдорга аён бўлган аёлга нисбатан;
2) 
ёш бола, қария ёки ожиз аҳволдаги шахсга нисбатан;
3) 
хизмат вазифаси ёки фуқаролик бурчини бажарганлиги муносабати билан шахсга ёки 
унинг яқин қариндошларига нисбатан;
4) 
айбдорга моддий томондан, хизмат жиҳатидан ёки бошқа жиҳатдан қарам шахсга 
нисбатан;
5) 
ўта шафқатсизлик билан;
6) 
жабрланувчини таҳқирлаш ва (ёки) унга азоб бериш йўли билан;
7) 
кўпчилик учун хавфли бўлган усулда;
8) 
ёш бола ёки руҳий ҳолатининг бузилганлиги айбдорга аён бўлган шахсдан 
фойдаланган ҳолда;
9) 
жиноят натижасида оғир оқибатларнинг келиб чиққанлиги;
10) 
умумий офат шароитидан фойдаланган ҳолда ёки
фавқулодда ҳолат
вақтида ёхуд 
оммавий тартибсизликлар жараёнида;
11) 
тамагирлик ёки бошқа паст ниятларда;
12) 
нафрат ва адоват замирида;
13) 
бир гуруҳ шахслар томонидан олдиндан тил бириктирган ҳолда ёки уюшган жиноий 
гуруҳ ёхуд жиноий уюшма томонидан;
14) 
такроран ёки илгари ҳам қасддан жиноят содир этган шахснинг судланганлик ҳолати 
тугалланмасдан ёки олиб ташланмасдан қасддан янги жиноят содир этиши;
15) 
мастлик ҳолатида ёки гиёҳвандлик воситалари, уларнинг аналоглари, психотроп 
ёхуд кишининг ақл
-
идрокига таъсир қилувчи бошқа моддалар таъсири остида жиноят содир 
этиш;
16) 
ҳокимият вакили бўлмаган шахс томонидан
ҳокимият вакилининг хизмат кийими 
ёки ҳужжатларидан фойдаланган ҳолда жиноят содир этиш;
17) 
вояга етмаган шахсга нисбатан ота
-
онаси, уларнинг ўрнини босувчи бошқа шахслар 
томонидан жиноят содир этиш;
18) 
таълим, тиббиёт, ижтимоий хизматлар кўрсатувчи ёки бошқа муассасаларнинг вояга 
етмаганнинг тарбияси, соғлиғи учун масъул бўлган ходими томонидан шу шахсга нисбатан 
жиноят содир этилиши;
Суд содир этилган жиноятнинг хусусиятини эътиборга олиб, ушбу модданинг биринчи 
қисмида назарда тутилган ҳолатларни оғирлаштирувчи ҳолат деб топмаслиги ҳам мумкин.
Суд жазо тайинлашда ушбу моддада назарда тутилмаган ҳолатларни оғирлаштирувчи 
ҳолат деб топиши мумкин эмас.
Ушбу ҳолатлар Кодекс Махсус қисмининг моддасида жиноят таркибининг зарурий 
белгиси сифатида назарда тутилган бўлса, жазо тайинлашда ҳисобга олинмайди.

---