Кодексини тасдиқлаш тўҒрисида id-29646 модда. Ўзбекистон Республикасининг Жиноят кодекси тасдиқлансин

379-
модда.
 
Жанг майдонини ўзбошимчалик билан ташлаб кетиш ёки қурол 
қўллашдан бош
 
тортиш
Жанг вақтида жанг майдонини ўзбошимчалик билан ташлаб кетиш ёки қурол қўллашдан 
ғайриқонуний бош тортиш, –
беш йилдан ўн йилгача озодликдан маҳрум қилиш билан жазоланади.
Ўша қилмиш бир гуруҳ шахслар томонидан содир этилган бўлса,–
ўн йилдан ўн беш йилгача озодликдан маҳрум қилиш билан жазоланади.
380-
модда.
 
Ҳалок бўлаётган ҳарбий кемани ташлаб кетиш
Ҳалок бўлаётган ҳарбий кемани ўз хизмат вазифаларини охиригача бажармаган 
командир томонидан, шунингдек, командирнинг тегишли фармойиши бўлмасдан кема 
командаси таркибидаги шахс томонидан ташлаб кетилиши, 
- 
беш йилдан ўн йилгача озодликдан маҳрум қилиш билан жазоланади.
Ўша қилмиш жанговар вазиятда содир этилган бўлса, 
- 
ўн йилдан ўн беш йилгача озодликдан маҳрум қилиш билан жазоланади.

---

381-
модда.
 
Ўзининг бирон аъзосини майиб қилиш йўли билан ёки бошқа усулда 
ҳарбий хизматдан бўйин товлаш
Ўзининг бирон аъзосини майиб қилиш, яъни ҳарбий хизматчининг ўз баданига бирон 
шикаст етказиш йўли билан, шунингдек, ўзини ёлғондан касалликка солиб, ҳужжатларни 
қалбакилаштириш ёки бошқача алдаш йўли билан ҳарбий хизмат вазифаларини бажаришдан 
бўйин товлаши ёки бу вазифаларни бажаришдан бош тортиши, –
уч йилгача хизмат бўйича чеклаш ёки бир йилгача интизомий қисмга жойлаштириш ёки 
уч йилдан беш йилгача озодликдан маҳрум қилиш билан жазоланади.
Ўша ҳаракат жанговар вазиятда содир этилган бўлса, –
беш йилдан ўн йилгача озодликдан маҳрум қилиш билан жазоланади.
382-
модда.
 
Қоровул хизматини ўташ қоидаларини бузиш
Қоровул (соқчилик) хизмати
низом қоидаларининг қоровул таркибига кирган шахс 
томонидан бузилиши зарарли оқибатлар келтириб чиқарса, башарти, мазкур қоровул бундай 
оқибатларнинг олдини олиш учун тайинланган бўлса, –
икки йилгача хизмат бўйича чеклаш ёки бир йилгача интизомий қисмга жойлаштириш 
ёхуд бир йилгача озодликдан маҳрум қилиш билан жазоланади.
Ўша қилмиш:
1) 
соғлиққа оғир зиён етказилишига;
2) 
одам ўлишига;
3) 
бошқа оғир оқибатларга сабаб бўлса, –
беш йилдан ўн йилгача озодликдан маҳрум қилиш билан жазоланади.
Ўша қилмиш жанговар вазиятда содир этилган бўлса, –
ўн йилдан ўн беш йилгача озодликдан маҳрум қилиш билан жазоланади.